Gujarati News

Gujarati News

News of Tuesday, 14th January 2020

આજના સુરતના હીરો છે હેડક્વાર્ટરમાં ફરજ બજાવતા ASI કિરીટકુમાર હીરાલાલ પટણી(બકકલ નંબર 194)..

શિવમ નામના બાળકને ગળામાં દોરી આવી જતા પળભરનો વિલંબ કર્યા વગર પોતાની બાઈક અન્યને આપીને asi શિવમને ખોળામાં ઉંચકી સારવાર માટે લાવ્યા : શિવમને 22 ટાંકા આવ્યા

સુરતના પારલે પોઇન્ટ વિસ્તારમાં બાઇક પર જતી વખતે આગળ બેસેલા શિવમ નામના બાળકના ગળામાં દોરી આવી જતાં તે લોહીલુહાણ થઈ ગયો હતો..શિવમના પિતા ગભરાઈ ગયા હતા  

  ઉત્તરાયણ હોવાના લીધે રસ્તો સુમસામ હતો..શું કરવું તેની કોઈ સૂઝબૂઝ જ ન રહી..તે જ સમયે ત્યાંથી પસાર થઈ રહેલા કિરીટભાઈએ એક સેકન્ડનો પણ વિચાર ન કર્યો..પોતાની બાઇક તેમણે અન્ય વાહનચાલકને ચલાવવા માટે સોંપી..અને શિવમને ખોળામાં ઊંચકીને તેઓ તાત્કાલિક સિવિલ સારવાર માટે લઈ આવ્યા..

  શિવમના ગળે 22 ટાંકા આવ્યા છે..હાલ તે સારવાર હેઠળ છે..પણ જો કિરીટભાઈ સૂઝબૂઝ ન બતાવી હોત તો પરિસ્થિતિ આના કરતાં પણ વધારે ખરાબ થઈ શકતે..શિવમને દવાખાને લાવવા દરમ્યાન તેમની ખાખી વર્દી પણ લોહીથી લથપથ થઈ ગઈ..પણ એક પોલીસજવાનની ફરજની સાથે તેઓને માનવતાની ફરજ સૌથી ઉપર લાગી..!!

તહેવારની રજાના દિવસે પણ પોલીસ જવાનો માત્ર તમારી સુરક્ષા માટે જ નહીં..માનવતાની રીતે પણ તમને મદદ કરવા તૈયાર હોય છે એ કિરીતભાઈએ સાબિત કરી બતાવ્યું..!! 

(7:51 pm IST)
  • પ્રકાશ જાવડેકરે આપ્યો નારો : દેશ બદલ્યો છે હવે દિલ્હી બદલો : કેન્દ્રીય મંત્રી પ્રકાશ જાવડેકરની ઉપસ્થિતિમાં દિલ્હી પ્રદેશ ભાજપ કાર્યાલયે આમ આદમી પાર્ટીના ડઝનો કાર્યકરો ભાજપમાં જોડાયા : ભાજપનો કેસરિયો ખેસ પહેરીને પાર્ટીનું સભ્યપદ ગ્રહણ કર્યું હતું access_time 12:37 am IST

  • ભાવનગરના બોરતળાવ પોલીસ સ્ટેશનમાં ફરજ બજાવતા અને વિધાનગર પોલીસ લાઈનમાં રહેતા પોલીસ હેડ કોન્સ્ટેબલ આહીર ભીમભાઇ દેસાઈ એ ગળા ફાસો ખાઈ આપઘાત કર્યો access_time 11:11 pm IST

  • છપાક જોવા પહોંચી લક્ષ્મી અગ્રવાલની પુત્રી : દીપિકાએ કહ્યું કેટલીક ફિલ્મો દિલથી કરાઈ છે : એસિડ એટેકની પીડિતા લક્ષ્મી અગ્રવાલની સંઘર્ષની કથાનક દર્શાવતી ફિલ્મ છપાક જોવા લક્ષ્મી અગ્રવાલની દીકરી પિહુ પહોંચી હતી :પિહુ અને દીપિકાએ ફિલ્મના એક ખાસ શો દરમિયાન ખુબ મસ્તી કરી હતી access_time 12:34 am IST