Gujarati News

Gujarati News

News of Thursday, 14th November 2019

અમદાવાદની ઘટનાઃ મામલો પોલીસમાં

મચ્‍છર કરડતા પત્‍નિની કમાન છટકીઃ પત્‍નિએ પતિને દસ્‍તા ધોકાથી ધોઇ નાખ્‍યો

અમદાવાદ, તા.૧૪: મચ્‍છરોના બ્રીડિંગ મળતા ખ્‍પ્‍ઘ્‍ સંસ્‍થાઓને દંડ ફટકારે છે પરંતુ નરોડાની આ મહિલાને ઘરમાં મચ્‍છર કરતા તેણે પોતાના જ પતિને માર માર્યો. મચ્‍છરનો ઉપદ્રવ દૂર કરવામાં નિષ્‍ફળ રહેલા પતિને માર મારતી હતી ત્‍યારે તેની પુત્રી પણ સાથ આપ્‍યો.

બુધવારે વહેલી સવારે સંજયપાર્ક સોસાયટીમાં રહેતા ૪૦ વર્ષીય ભૂપેન્‍દ્ર લેઉવાને મચ્‍છરને કારણે થયેલી લડાઈમાં ગંભીર ઈજા પહોંચી છે. આખરે તેમણે નરોડા પોલીસ સ્‍ટેશનમાં પોલીસ ફરિયાદ નોંધાવી છે. તેમણે જણાવ્‍યું કે તેઓ કારમાં એલઈડી લાઈટ્‍સ વેચીને ગુજરાન ચલાવે છે પરંતુ છેલ્લા દ્યણા મહિનાથી આવક ઓછી થઈ ગઈ છે.

તેમણે પોલીસને જણાવ્‍યું કે છેલ્લા બે મહિનાથી વીજળીના બીલ પણ ચૂકવી શક્‍યા નથી જેના કારણે ઈલેક્‍ટ્રીક સપ્‍લાઈ કટ કરી દેવામાં આવ્‍યો છે. મંગળવારની રાત્રે તેની પત્‍ની સંગીતા(૨૬) અને પુત્રી ચિતલ (૨૦) સાથે દ્યરે હતા. સંગીતાએ કહ્યું કે પંખો ચાલુ ન કરાવી શકવાને કારણે મચ્‍છરો કરડી રહ્યા છે. જેથી ભૂપેન્‍દ્રએ સંગીતાને કહ્યું કે જો તે બેડ પર આવી જશે તો આરામથી સૂઈ શકશે.

આ સાંભળીને સંગીતા ગુસ્‍સે થઈ અને રસોડામાં જઈને દસ્‍તો લઈ આવી. પછી ભૂપેન્‍દ્રને પાડી તેના માથા પર વારંવાર ઘા માર્યા. આ દરમિયાન તેની પુત્રી પણ ધોકો (કપડા ધોવા માટે ઉપયોગ કરવામાં આવે છે) લઈ મારવા માંડે છે.

ભૂપેન્‍દ્ર રડતા પડોશીઓ તેમના ઘરે દોડી આવ્‍યા. એક પડોસીએ ભૂપેન્‍દ્રના નાનાભાઈ મહેન્‍દ્રને જાણ કરી અને ભૂપેન્‍દ્રને નજીકની હોસ્‍પિટલમાં સારવાર માટે લઈ ગયા. જયાં ભૂપેન્‍દ્રને જમણી આંખ ઉપર સાત ટાંકા લેવામાં આવ્‍યા. પોલીસે બંને મહિલા સામે ગુનો નોંધી વધુ તપાસ હાથ ધરી છે.

(3:57 pm IST)