Gujarati News

આણંદ: તાલુકાના બોરીયાવી ગામના પટાકનગરમાં રહેતા કાળીદાસભાઈ રાઠોડે આજે બપોરના સુમારે પોતાના પુત્ર ગીરીશભાઈને કૌટુંબિક ભત્રીજા દશરથભાઈ વિઠ્ઠલભાઈ રાઠોડ સાથે મિત્રતા તથા સંબંધ નહીં રાખવા અને ઘરે જતા રહેવાનો ઠપકો આપ્યો હતો.

જેથી દશરથભાઈ એકદમ ઉશ્કેરાઈ ગયો હતો અને ગમે તેવી ગાળો બોલીને કાળીદાસભાઈને ગડદાપાટુનો માર માયો હતો. ત્યારબાદ પોતાની પાસેનુંં ધારીયું જમણા હાથની કોણી ઉપર મારી દેતાં તેઓ લોહીલુહાણ થઈ જવા પામ્યા હતા. તેમને પ્રથમ આણંદ નગરપાલિકા અને ત્યાંથી વધુ સારવાર માટે કરમસદની શ્રીકૃષ્ણ હોસ્પિટલમાં લઈ જવામાં આવ્યા હતા. જ્યાં ટાંકા લેવા પડ્યા હતા. આ અંગે આણંદ રૂરલ પોલીસે ભરતભાઈ કાળીદાસભાઈ રાઠોડની ફરિયાદને આધારે ગુનો દાખલ કરીને કાર્યવાહી હાથ ધરી છે.