Gujarati News

પ્રાંતિજ:તાલુકાના ધડકણ ગામે આવેલા નવી ધડકણ વિસ્તારમાં બપોરના સમયે તસ્કરો દ્વારા મકાનમાં પ્રવેશ કરી અંદાજે પાંચ લાખની ચોરી થતાં મકાન માલિક દ્વારા પોલીસને જાણ કરતા પ્રાંતિજ ઘટનાસ્થળે આવી તપાસ હાથ ધરી છે.

પ્રાંતિજના ધડકણ ખાતે આવેલા નવા ધડકણ ખાતે  રહેતા નવીનભાઈ સોમાભાઈ પટેલતથા પરિવારના સભ્યો ગામમાં ગણપતિના વરઘોડામાં ગયાને અજાણ્યા તસ્કરો મકાનમાં પ્રવેશ કરી મકાનમાં આવેલા છેલ્લા રૂમમાં રહેલ ત્રિજોરીમાં મુકેલ રોકડ રકમ ૧,૬૦,૦૦૦ તથા પંદર તોલા સોનાના દાગીના સહિત અંદાજે પાંચ લાખ રૂપિયાની ચોરી કરી તસ્કરો પલાયન થતાં મકાન માલિકે પ્રાંતિજ પોલીસને જાણ કરતાં પોલીસ ઘટનાસ્થળે દોડી આવી હતી અને આગળની તપાસ હાથ ધરી હતી. ગામવચ્ચે ભરચક્ક વિસ્તારમાં ચોરીની ઘટના બનતાં ગ્રામજનોમાં ભયનો માહોલ ફેલાયોછે.