Gujarati News

Gujarati News

News of Friday, 14th September 2018

આણંદમાં દબાણ હટાવ્યા છતાં પાર્કિંગની યોગ્ય વ્યવસ્થા ન થતા લોકોમાં રોષનો માહોલ

આણંદ:હાઈકોર્ટના આદેશ સાથે સમગ્ર રાજ્ય સાથે આણંદ જિલ્લામાં નગરપાલિકા, પોલીસ અને વહીવટી તંત્ર દ્વારા સંયુક્ત રીતે દબાણોનો સફાયો કરવાની ઝુંબેશ હાથ ધરાઈ છે ત્યારે આણંદમાં દબાણો હટાવ્યા બાદ હવે પાર્કિંગ માટેની ખેંચતાણ શરૂ થઈ જતાં નગરજનોમાં ભારે આશ્ચર્યની લાગણી ફેલાઈ જવા પામી છે.

એક મહિના પહેલા નગરપાલિકા, પોલીસ તથા વહીવટી તંત્ર દ્વારા સંયુક્ત રીતે આણંદના જુદા-જુદા વિસ્તારોમાં વર્ષો જુના કાચા-પાકા દબાણો હટાવી શહેરને દબાણમુક્ત કરવામાં આવ્યું હતું. જેમાં ખાસ કરીને આણંદના જુના બસ સ્ટેન્ડ વિસ્તારમાં આવેલ વર્ષો જુનો ૫૦ ફૂટથી વધુ પહોળો રસ્તો જેનું નામ ટૂંકી ગલી પડી ગયું હતું. 
તેને ફરીથી રસ્તામાં ફેરવી નગરજનો માટે ખુલ્લો મુકવામાં આવતા નગરજનોમાં ભારે રાહતની લાગણી સાથે આ વિસ્તારમાં છાશવારે થતા ટ્રાફિકજામની સમસ્યાને પણ મહદ્અંશે છુટકારો મળ્યો હતો. પરંતુ વિશેષ એ વાત છે કે ટૂંકી ગલી વિસ્તાર, જુના બસ સ્ટેન્ડ રોડ, સુપર માર્કેટ, સ્ટેશન રોડ, જનરલ પોસ્ટ ઓફિસ, નાની શાકમાર્કેટવાળા મુખ્ય રસ્તાઓ ઉપર પોલીસ તંત્ર દ્વારા દબાણો હટાવવામાં આવ્યા તથા આજુબાજુની જગ્યાઓ મોકળી કરવામાં આવી પરંતુ આ જગ્યાઓ ઉપર પાર્કિંગ માટેની વ્યવસ્થા ન કરવામાં આવતા પોલીસ તંત્ર દ્વારા આ જગ્યા ઉપર વાહન પાર્ક કરનારને તૈયારીમાં ૨૦૦ થી ૫૦૦ રૂપિયાનો મેમો પકડાવી દેવામાં આવતા સ્થાનિક વેપારી સહિત વાહનચાલકોમાં ભારે રોષની લાગણી ફેલાઈ જવા પામી છે. 

(4:44 pm IST)
  • ગુજરાતના મંત્રી વિભાવરીબેન દવેના પતિ વિજયભાઈ ઉપેન્દ્રભાઈ દવેનું આજ રોજ તારીખ 13/9/2018ના સાંજે દુઃખદ અવસાન થયેલ છે:તેમના અંતિમ વિધિ તારીખ 14/9/2018 ના રોજ સવારે 9.00 કલાકે ભાવનગર ખાતેના નિવાસ સ્થાને રાખેલ છે access_time 11:28 pm IST

  • રાજુલા પંથકમાં દારૂની બદી નાબૂદ કરો :રાજુલા તાલુકાના 5 ગામોની મહિલાઓ પોહચી અંબરીશ ડેર ના ફામ હાઉસ પર:સાંચબંદર,ખેરા, પટવા, વિક્ટર,પીપાવાવ ધામ સહિત ગામડા ની 200થી વધુ મહિલાઓએ રજૂઆત કરી:ગામડામાં દેશી દારૂ,નશીલા પદાર્થની બોટલનું બે ફામ વેચાણ અટકાવવા કરી રજુઆત:ધારાસભ્ય અંબરીશ ડેર વિધાનસભાના સત્રમા આ મુદ્દો ઉછાળશે access_time 10:58 pm IST

  • જામનગરમાં તારમામદ સોસાયટીમાં હુમલો કરીને લૂંટ :દસ શખ્સોએ ચાર યુવાનની કારને આંતરી કર્યો હુમલો:ત્રણ લાખની રોકડ અને એક સોનાના ચેઇનની લૂંટ:કારમાં તોડફોડ, ચારેય ઘાયલોને હોસ્પિટલ ખસેડાયા:પોલીસ ઘટના સ્થળ બાદ હોસ્પિટલ પહોંચી:જૂની અદાવતમાં માથાકૂટ થયાનું પ્રાથમિક તારણ : પોલીસ તપાસ શરૂ access_time 9:19 pm IST