Gujarati News

વડોદરાઃ મહાનગરપાલિકા દ્વારા જાહેર કરવામાં આવેલા આંકડાઓ પ્રમાણે, વડોદરા શહેરમાં છેલ્લા 36 કલાકમાં નવા 40 કેસ નોંધાયા હતા. કોરોનાના કેસની કુલ સંખ્યા 99,456 પર પહોંચી ગઇ છે. વધુ 81 દર્દીને હોસ્પિટલમાંથી ડિસ્ચાર્જ આપવામાં આવ્યો હતો. અત્યાર સુધીમાં કુલ 98,580 દર્દીને હોસ્પિટલમાંથી ડિસ્ચાર્જ આપવામાં આવ્યો હતો. અત્યાર સુધીમાં કુલ મૃત્યુઆંક 544 પર પહોંચ્યો છે. વડોદરા શહેરમાં એક્ટિવ દર્દીઓની સંખ્યા 368 થઇ છે. હાલમાં હોસ્પિટલોમાં 56 દર્દી દાખલ છે. જે પૈકી 3 દર્દી ઓક્સિજન અને 2 દર્દી વેન્ટિલેટર પર છે. હાલમાં શહેરમાં 160 લોકો ક્વોરન્ટીન છે.

વડોદરામાં અકોટા, અટલાદરા, બાપોદ, ભાયલી, છાણી, દિવાળીપુરા, ફતેપુરા, ગોરવા, ગોત્રી, હરણી, જેતલપુર, કપુરાઇ, મકરપુરા, માંજલપુર, નવાયાર્ડ, નવીધરતી, રામદેવનગર, સમા, સિયાબાગ, સુભાનપુરા, સુદામાપુરી, તાંદલજા અને યુમુનામીલ વિસ્તારમાં નવા પોઝિટિવ કેસ નોંધાયા છે. વડોદરામાં ઝોન પ્રમાણે નવા નોંધાયેલા કેસ તરફ નજર કરીએ તો પૂર્વ ઝોનમાં 3, પશ્ચિમ ઝોનમાં 21, ઉત્તર ઝોનમાં 9 અને દક્ષિણ ઝોનમાં 7 કેસ નોંધાયા છે.