Gujarati News

Gujarati News

News of Wednesday, 14th August 2019

નર્મદા ડેમની જળસપાટી ૧૩૨.૦૨ મીટરે પહોંચી

ઉપરવાસમાંથી પાણીની આવકને પગલે ડેમ ભરાયો : નર્મદા ડેમના સાત દરવાજા ખોલવામાં આવ્યા : અહેવાલ

અમદાવાદ, તા.૧૪ : સરદાર સરોવર નર્મદા ડેમના ઉપરવાસમાંથી સતત પાણીની આવક થઇ રહી છે. ઉપરવાસમાંથી હાલ ૮૯,૫૮૪ ક્યુસેક પાણીની આવક છે. જેને પગલે નર્મદા ડેમની જળ સપાટી ૧૩૨.૦૨ મીટર ઉપર પહોંચી ગઇ છે. હાલ નર્મદા ડેમના ૭ ગેટ ખોલવામાં આવ્યા છે. જેથી નર્મદા નદીમાં ૧,૧૭,૫૧૯ ક્યુસેક પાણી છોડવામાં આવી રહ્યું છે. નર્મદા ડેમ ભરાવાથી સરકારી તંત્ર એકબાજુ ચિંતામુકત બન્યુ છે તો બીજીબાજુ, રાજયભરના ખેડૂતોમાં પણ ખુશીની લાગણી છવાઇ ગઇ છે. નર્મદા ડેમમાંથી સતત છોડવામાં આવી રહેલા પાણીને કારણે નર્મદા નદી છેલ્લા સાત દિવસથી બે કાંઠે વહી રહી છે. નર્મદા ડેમના આરબીપીએચનાં ૧૨૦૦ મેગાવોટના ૬ યુનિટ ચાલુ છે જેથી રોજની અંદાજિત ૬ કરોડ રૂપિયાનું વીજ ઉત્પાદન થઇ રહ્યું છે. નર્મદા ડેમથી ૧૨ કિ.મી. દૂર ૩૦૦ કરોડના ખર્ચે એક વિયર ડેમ કમ કોઝ વે બનાવવામાં આવ્યો છે. જે હાલ ઓવરફ્લો થઈ રહ્યો છે. જેના ઉપરથી બે મીટર પાણી વહી રહ્યું છે. જેને પગલે પ્રવાસીઓ માટે એક આકર્ષણ રૂપ બની રહ્યો છે. નર્મદા ડેમથી વિયર ડેમ સુધી ૧૨ કિ.મી. લાબું સરોવર રચાયું છે. જે હાલ સંપૂર્ણ ભરાઈ ગયું છે.

(7:45 pm IST)
  • અયોધ્યા કેસ મુદે સુપ્રિમમા સુનાવણી ચાલુ : બાબરના આદેશથી રામમંદિર તોડી પડાયાના પુરાવા છે? સુપ્રિમનો સવાલ : ૫ ઓગષ્ટથી શરૂ થયેલી આ સુનાવણીનો આજે ૬ઠો દિવસ છેઃ ગઇકાલની સુનાવણીમાં રામલલ્લા પક્ષના વકીલે તેમની દલીલો રાખી આજે પણ તેઓ જ તેમની વાત પર આગળ વધી રહયા છેઃ આ દરમિયાન કોર્ટે એકવાર ફરી રામલલ્લા પક્ષ પાસેથી જન્મભૂમિ પર કબ્જાના પુરાવા માંગ્યા હતા access_time 1:13 pm IST

  • દિલ્હી સરકારની ઓટો ચાલકોને મોટી ભેટ ;જીપીએસ ફી અને ફિટનેસ ફી માફ :મુખ્યમંત્રી અરવિંદ કેજરીવાલે કરી જાહેરાત ;નવો ફેરફાર પહેલી સપ્ટેમ્બરથી થશે લાગુ access_time 1:11 am IST

  • જમ્મુ-કાશ્મીરમાં પૂર્વ આઇએએસ અધિકારી શાહ ફૈઝલની ધરપકડ : તેઓ પીપલ્સ મુવમેન્ટ પાર્ટીના અધ્યક્ષ છે અને ૩૭૦ મી કલમ હટાવવાનો વિરોધ કરેલ આમ કાશ્મીરના વધુ એક અલગાવવાદી નેતાની અટક છે access_time 4:18 pm IST