Gujarati News

વડોદરા: શહેરના સુભાનપુરા ઈલોરાપાર્ક વિસ્તારમાં આવેલા અતિપ્રાચીન અને દુર્લભ એવા 100 વર્ષ જૂના બાઓબાબ વૃક્ષને બચાવવામાં કોર્પોરેશનનું તંત્ર નિષ્ફળ ગયું છે અને તેના કારણે આજે આ વૃક્ષ ગુમાવવાનો વખત આવ્યો છે.

સુભાનપુરાની મહેશ્વરી સોસાયટીમા આવેલા આફ્રિકન બાઓબાબ વૃક્ષને પર્યાવરણવાદીઓ કલ્પવૃક્ષ તરીકે પણ ઓળખે છે. જવલ્લે જ જોવા મળતાં આ વૃક્ષ ની એક ડાળી થોડા સમય પહેલા તૂટી પડી હતી. 7જેથી સ્થાનિક રહીશોએ આ વૃક્ષને બચાવી લેવા માટે માંગણી કરી હતી. પરંતુ કોર્પોરેશન દ્વારા આ પ્રત્યે ધ્યાન નહીં આપતા આખરે આજે વહેલી સવારે ધડાકા ભેર આ તોતિંગ વૃક્ષ તુટી પડતા લોકોમાં ગભરાટ ફેલાયો હતો.