Gujarati News

વાલિયા તાલુકામાં છેલ્લા કેટલાક દિવસથી સાર્વત્રિક વરસાદ થઇ રહ્યો છે.શનિવારના રોજ પણ વરસાદી માહોલ જોવા મળ્યો હતો. સવારે 8 વાગ્યેથી ધમાકેદાર વરસાદની બેટિંગ શરુ થઇ હતી. જેને પગલે જોત જોતામાં સમગ્ર તાલુકામાં સામેલધાર વરસાદ ખાબક્યો હતો. પાંચ કલાકમાં અઢી ઇંચ વરસાદ વરસ્યો હતો. જેને કારણે જળબંબાકારની પરિસ્થિતિનું નિર્માણ થયું હતું. જયારે કિમ નદી અને ટોકરી નદીના જળ સ્તરમાં વધારો નોંધાતા કિનારાવાળા ગામોને સતર્ક રહેવાની તંત્ર દ્વારા ચેતવણી આપવામાં આવી હતી.