Gujarati News

Gujarati News

News of Thursday, 14th June 2018

ડિજિટલ ઇન્ડિયા !! રૂપાણીનું કોઇ સત્તાવાર ઇમેલ આઇડી જ નથી!

સીએમને તેમની ઓફિસમાં કેટલા લોકો મળવા આવે છે તે અંગેનો કોઇ રેકોર્ડ રાખવામાં આવતો નથી : સીએમ સુધી જો તમારે કોઇ વાત પહોંચાડવી હોય તો વેબસાઇટ cmogujarat.gov.in મારફત જ પહોંચાડી શકાય છે

અમદાવાદ તા. ૧૪ : જો તમારે સીએમ વિજય રુપાણીને સીધા જ ઈમેલથી કોઈ ફરિયાદ કરવી હોય તો તેના માટેનો કોઈ ઓપ્શન છે જ નહીં. ખુદ ગુજરાત સરકારે જણાવ્યું છે કે, વિજય રૂપાણીનું કોઈ સત્તાવાર ઈમેલ આઈડી છે જ નહીં. એટલું જ નહીં, સીએમને તેમની ઓફિસમાં કેટલા લોકો મળવા આવે છે તે અંગેનો પણ કોઈ રેકોર્ડ રાખવામાં આવતો નથી.

એક RTIના જવાબમાં ગુજરાત સરકારના જનરલ એડમિનિસ્ટ્રેશન ડિપાર્ટમેન્ટ (GAD)એ જણાવ્યું છે કે, સીએમ સુધી જો તમારે કોઈ વાત પહોંચાડવી હોય તો વેબસાઈટ cmogujarat. gov.in મારફત જ પહોંચાડી શકાય છે. આ આરટીઆઈમાં એમ પણ પૂછવામાં આવ્યું હતું કે, સીએમ ઓફિસ મુલાકાતીઓ પાછળ ચા-નાસ્તામાં કેટલો ખર્ચો કરે છે, જોકે તેની પણ માહિતી નથી અપાઈ.

અમદાવાદમાં રહેતા મુજાહિદ નસીફ દ્વારા કરવામાં આવેલી આરટીઆઈમાં સીએમના સત્તાવાર ઈમેલ આઈડી, તેમને મળવા આવતા લોકોનો રેકોર્ડ તેમજ સીએમે વિવિધ કાર્યક્રમોમાં કેટલી યોજનાઓ જાહેર કરી, અને તે યોજનાઓ માટે કોઈ કમિટી કે બોડી બાવાઈ છે કે કેમ તેની માહિતી માગી હતી.

જોકે, મુજાહિદને પોતાના એકેય પ્રશ્નનો યોગ્ય જવાબ નથી મળ્યો. GADએ તેમની RTIમાં એવો પણ જવાબ આપ્યો છે કે, સીએેમે વિવિધ કાર્યક્રમોમાં કઈ-કઈ યોજનાની જાહેરાત કરી તેની કોઈ માહિતી તેમની પાસે ઉપલબ્ધ નથી. આ માહિતી ખૂબ વિશાળ છે, અને તે અલગ-અલગ વિભાગો પાસે હોવાથી તે પૂરી પાડી શકાય તેમ નથી. સરકાર તરફથી મળેલા જવાબો અંગે નફીસનું કહેવું છે કે, તેમણે ૧૦મા મેના રોજ RTI કરી હતી. પ્રજાના રૂપિયે ચાલતી સીએમ ઓફિસ પાસે પોતાની જ રોજિંદી કાર્યવાહીનો કોઈ રેકોર્ડ નથી તે વાત ખરેખર વિચિત્ર છે.

(4:21 pm IST)
  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • રાજસ્થાનમાં સ્થાનિક સ્વરાજની 27 સીટ પરની પેટાચૂંટણીમાં ભાજપ કોંગ્રેસ વચ્ચે કાટે કી ટક્કર : કોંગ્રેસનો 11 બેઠકોમાં કબ્જો ;ભાજપનો 13 સીટમાં વિજય ;એક બેઠક એનસીપી અને બે સીટ પર અપક્ષનો વિજય થયો છે access_time 11:41 pm IST