Gujarati News

Gujarati News

News of Thursday, 14th June 2018

મેડીકલ- ડેન્ટલ પ્રવેશ માટે ડોમીસાઈલ પ્રમાણપત્ર મેળવવા વાલીઓ પરેશાન

અમદાવાદ,તા.૧૪: મેડિકલ- ડેન્ટલમાં પ્રવેશ માટે ચાલુ વર્ષે વિદ્યાર્થીઓને ડોમિસાઈલ સર્ટિફિકેટ ફરજિયાત નક્કી કરાયું છે.હાલમાં મેડિકલમાં પ્રવેશ માટે રજિસ્ટ્રેશનની પ્રક્રિયા ચાલી રહી છે. આગામી તા.૨૦મી સુધી આ કાર્યવાહી ચાલવાની છે. ત્યારે વિદ્યાર્થીઓ- વાલીઓ ડોમિસાઈલ સર્ટિફિકેટ લેવા માટે ઠેર- ઠેર રઝળપાટ કરી રહ્યા છે.વાલીઓ કહે છે પોલીસ સ્ટેશનમાંથી આપવામાં આવતાં ડોમિસાઈડ સર્ટિફિકેટ માટે જે પ્રકારના ડોકયુમેન્ટ માગવામાં આવે છે તે ભેગા કરવામાં વાલીઓ છેલ્લા ૧૫ દિવસથી રીતસરનો રઝળપાટ કરી રહ્યા છે. વાલીઓએ આ મુદ્દે મેડિકલ પ્રવેશ સમિતિ સમક્ષ પણ ફરિયાદ કરી પરંતુ તેઓ કહે છે. ડોમિસાઈલ સર્ટિફિકેટ અંગે અમે કોઈ નિર્ણય કરી શકીએ નહીં. સરકારે જે નિર્ણય કર્યો તેનો માત્ર અમલ કરવાનું કામ અમારું છે.ડોમિસાઈલ માટે છેલ્લા ૧૦ વર્ષથી ગુજરાતમાં રહેતા હોય તેવું એક ડોકયુમેન્ટ પણ ચાલે તેમ હોવાં છતાં પોલીસ સ્ટેશનો દ્વારા પાછલા ૧૦ વર્ષમાં કયાં કયાં રહ્યા અને કઈ સ્કૂલોમાં અભ્યાસ કર્યો તે સહિતના ડોકયુમેન્ટ માગવામાં આવી રહ્યા છે.

(4:12 pm IST)
  • દિલ્હીના મંત્રી ઇમરાન હુસૈનને જાનથી મારી નાખવાની ભાજપના ધારાસભ્યે ધમકી દીધીઃ પર્યાવરણમંત્રી ઇમરાને ઈંદ્રપ્રસ્થ પોલીસ સ્ટેશનમાં ભાજપના ધારાસભ્ય મનિન્દરસિંહ સિરસા વિરુદ્ધ ફરિયાદ નોંધાવી :સરકારી કામમાં ખલેલ પહોચાડયાનો પણ આક્ષેપ access_time 12:57 am IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST