Gujarati News

Gujarati News

News of Thursday, 14th June 2018

મેણા-ટોણા-દહેજનો ત્રાસ અને પતિ સટોડીયોઃ અંતે થાકી હારીને એ લાચાર યુવતીએ જીવ દીધો

આઇપીએલના સટ્ટામાં બધા દાગીના વેચી માર્યાઃ પુત્રીની ૧ વર્ષથી ફી નો'તા ભરતાઃ ૧૮ લાખ લઇ આવ...તોજ તને પત્નિ અને પુત્રને પુત્ર ગણીશઃ નરાધમતાની ચરમસીમા

રાજકોટ તા. ૧૪ : અમદાવાદમાં કાંકરીયામાં રહેતી એક પરણિતાને દિકરી જન્મતા અને દહેજ માટે સાસરીયાઓ ત્રાસ આપવાનું શરૂ કર્યુ હતું. તેમજ દિકરીની ફી પણ ન ભરાતા પરણિતાને લાગી આવતા તેણે ઘરની ગેલેરીમાંથી કૂદીને આપઘાત કરી લીધો હતો.

કાંકરીયામાં રાધે ટાવરમાં રહેતી આરતી (ઉ.૩૧) ના લગ્ન બિહારના છપરામાં રહેતા સુમંત જયનારાયણ ભારતી સાથે થયા હતાં. લગ્નપ્રસંગે આરતીના માતા-પિતાએ સોના-ચાંદીના દાગીના આપ્યા હતાં.

લગ્ન બાદ આરતી પતિ સાથે નાગપુર રહેવા આવી હતી. જયાં સુમંત તેના સંબંધી સાથે રોડ કોન્ટ્રાકટનું કામ કરતો હતો. દરમિયાન આરતીને ૧ જૂલાઇ ર૦૦૬ નાં રોજ પુત્રી જન્મી હતી. જે આરતીના સાસરીયાને ગમ્યુ ન હતું અને સવા વર્ષ સુધી તેને તેડવા આવ્યા ન હતાં. સાસરીયાઓ દિકરીના ખર્ચ માટે પણ આરતીના માવતરીયા પાસે પૈસાની માંગણી કરતા રહેતા હતાં. દિકરી પેદા કરી છે તો તારા પિતા પાસેથી પૈસા લઇ આવ એમ આરતીને ટોણા મારતા હતાં.

દરમિયાન આરતીએ પુત્રને જન્મ આપ્યો હતો. આરતીના પતિએ ૧૬ લાખની માંગણી પુરી કરીશ તો જ તને મારી પત્ની અને પુત્રને પુત્ર ગણીશ, એમ કહ્યું હતું.

બીજી તરફ આરતીના માતા-પિતાને  જાણવા મળ્યું હતું કે સુમંતને આઇપીએલ ક્રિકેટનો સટ્ટો રમવાની આદત છે અને આરતીના દાગીના વેંચી નાખ્યા હતા જયારે કેટલાક દાગીના ગિરવે મુકયા હતાં. અંતે કંટાળીને આરતીના બન્ને બાળકોને અમદાવાદમાં ભણાવવાનું નકકી કર્યુ હતું.

દરમિયાન સ્કુલમાં તપાસ કરાતા આરતીની પુત્રીની ફી છેલ્લા એક વર્ષથી ભરવામાં આવી ન હોવાનું જણાયું હતું. આથી પુત્રીના ભવિષ્યને લઇને આરતીને મનમાં લાગી  આવ્યું હતું.

આ બધાથી પરેશાન આરતીએ ૧૧ જુન ર૦૧૮ નાં રોજ ઘરની ગેલેરીમાંથી પડતુ મુકીને આત્મહત્યા કરી લીધી હતી.

પોલીસે આ અંગે આરતીના પતિ સુમંત ભારતી, સસરા જયનારાયણ ભારતી અને સાસુ પશુપતિદેવી ભારતી સામે ગુનો નોંધીને  તપાસ આદરી છે.

(11:21 am IST)
  • દિલ્હીના મંત્રી ઇમરાન હુસૈનને જાનથી મારી નાખવાની ભાજપના ધારાસભ્યે ધમકી દીધીઃ પર્યાવરણમંત્રી ઇમરાને ઈંદ્રપ્રસ્થ પોલીસ સ્ટેશનમાં ભાજપના ધારાસભ્ય મનિન્દરસિંહ સિરસા વિરુદ્ધ ફરિયાદ નોંધાવી :સરકારી કામમાં ખલેલ પહોચાડયાનો પણ આક્ષેપ access_time 12:57 am IST

  • દિલ્હીમાં હવાનું પ્રદુષણ ત્રીજા દિવસે અતિ ગંભીર સ્તરે :બાંધકામ ગતિવિધિઓ પર પ્રતિબંધ મુકાયો : લોકોને લાંબા સમય ઘરની બહાર નહીં રહેવા સૂચના:દિલ્હી એનસીઆર વિસ્તારમાં પીએમનું સ્તર 1400 માઇક્રોગ્રામ પ્રતિ ઘનમીટર જે ગંભીર સ્તરથી ત્રણગણું વધારે છે access_time 11:33 pm IST

  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST