Gujarati News

Gujarati News

News of Wednesday, 13th June 2018

ગાંધીનગરમાં સે-11માં કોર્ટ સંકુલમાં ટેબલ મુકવા બાબતે બે મહિલા વચ્ચે ધીંગાણું

ગાંધીનગર:ના સેક્ટર-૧૧માં આવેલા કોર્ટ સંકુલમાં આજે બપોરના સમયે ટેબલ મુકવાના મુદ્દે બે મહિલા વકિલો વચ્ચે બોલાચાલી શરૃ થયા બાદ મામલો મારામારી સુધી પહોંચી જતા કોર્ટ સંકુલમાં દોડધામ મચી ગઇ હતી. વકિલોએ વચ્ચે પડીને આ મહિલાઓને છોડાવી હતી અને મામલો પોલીસ મથક સુધી પહોંચ્યો હતો. જો કે, હજી સુધી આ સંદર્ભે કોઇ પોલીસ ફરિયાદ નહીં થઇ હોવાનું જાણવા મળી રહ્યું છે. આ ઘટનાની મળતી વિગતો પ્રમાણે, ગાંધીનગર કોર્ટ સંકુલના ગેઇટ નં. બેની સામે આવેલી જગ્યામાં એક મહિલા વકિલનું ટેબલ આવેલું છે. જેમનું અન્ય સ્થળે પણ એક ટેબલ છે જેથી આ મહિલા વકિલે અન્ય એક મહિલા વકિલને બેસવા માટે આ ટેબલ આપ્યું હતું. જો કે,તે મહિલા વકિલે ટેબલ ખસેડીને પોતાનું ટેબલ મુકી દીધું હતું. જેથી આ મામલો બાર એસોસીએસન સુધી પહોંચ્યો હતો અને બાર એસોસીએસન દ્વારા આ મામલાને અનુલક્ષીને કોઇ વકિલોએ ટેબલ બાર લઇ જવા કે અંદર લાવવા ઉપર પ્રતિબંધ ફરમાવ્યો હતો. ત્યારે આજે મહિલા વકિલ દ્વારા ફરીથી ટેબલ લાવવામાં આવતા બે મહિલા વકિલો વચ્ચે બોલાચાલી શરૃ થઇ હતી જે મારામારી સુધી પહોંચી હતી. કોર્ટમાં મહિલા વકિલો વચ્ચે મારામારી થતા કોર્ટમાં આવેલા અરજદારો અને વકિલો પણ અચંબામાં પડી ગયા હતા ત્યાર બાદ સિનીયર વકિલોએ વચ્ચે પડીને મહિલા વકિલોને છોડાવ્યા હતા મામલો પોલીસ મથક સુધી પહોંચ્યો હતો પરંતુ આ મામલે હજુ સુધી કોઇ પોલીસ ફરિયાદ નહીં થઇ હોવાનું જાણવા મળી રહ્યું છે.

(6:02 pm IST)
  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • ઉત્તરાખંડમાં ભૂકંપના આંચકા : તીવ્રતા ૪.૦ રિક્ટર સ્કેલ નોંધાઈ : લોકો ઘરની દોડી ગયા : ભૂકંપનું એપી સેન્ટર ઉત્તર કાશીમાં : કોઈ જાનહાની નથી access_time 12:04 pm IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST