News of Wednesday, 13th June 2018

વડોદરા-ડભોઇ રોડ પર બાઈક પર દારૂના જથ્થા સાથે બે કોલેજીયન મિત્રની ધરપકડ

વડોદરા:ડભોઇ રોડ પર રતનપુર પાસે અક્ષર સીટી સોસાયટીના એક મકાનમાંથી તેમજ બાઇક પરથી દારૃના જથ્થા સાથે એક કોલેજીયન યુવાન સહિત બે વ્યક્તિની પોલીસે ધરપકડ કરી બંનેના કોર્ટમાંથી રિમાન્ડ મેળવ્યા હતાં. અક્ષર સીટી સોસાયટીમાંથી ગઇરાત્રે બાઇક લઇને નીકળતા એક યુવાન પાસેથી ડ્રાય જીનની બોટલ સહિત દારૃની પાંચ બોટલો મળી હતી. પોલીસે તેનું નામ પુછતા બ્રીજેશ ગોવિંદ મકવાણા (રહે.અક્ષર સીટી સોસાયટી, મુળ આમોદર, વાઘોડિયા) જાણવા મળ્યુ હતુ પોલીસે તેની પાસેથી દારૃની બોટલો તેમજ બાઇક, મોબાઇલફોન મળી કુલ રૃા.૩૧૮૦૦નો મુદ્દામાલ કબજે કર્યો હતો. દારૃની બોટલો ક્યાંથી લાવ્યો તે અંગે પૂછપરછમાં તેણે સોસાયટીમાંજ રહેતા પૃથ્વીરાજ પ્રદિપ રોહીતના ઘેરથી લાવ્યો હોવાનુ જણાવતા પોલીસે તેના ઘેર તપાસ કરતા દાદર પાસેના માળીયામાંથી વધુ પાંચ બોટલો મળી હતી. પોલીસે પૃથ્વીરાજની પણ ધરપકડ કરી હતી. તપાસ દરમિયાન જાણવા મળ્યુ હતુ કે પૃથ્વીરાજ પાવીજેતપુરની કોલેજમાં આર્ટસમાં છેલ્લા વર્ષમાં અભ્યાસ કરે છે તેમજ તેનો મકરપુરાની કંપનીમાં ફરજ બજાવતા મિત્ર બ્રીજેશ દમણથી દારૃનો જથ્થો લાવ્યો હતો અને પૃથ્વીરાજના ઘેર મુકી રાખ્યો હતો. દરમિયાન પોલીસે બંનેને કોર્ટમાં રજૂ કરી એક દિવસનો રિમાન્ડ મેળવ્યો હતો.

(6:01 pm IST)
  • ગૌરી લંકેશના શંકાસ્પદ હત્યારાઓના હિટલિસ્ટમાં બીજા અનેક લોકોના નામ હોવાનું ખુલ્યું : એસઆઇટીના સુત્રોએ કહ્યું કે,હિટલિસ્ટમાં ગિરીશ કર્નાડ ઉપરાંત જ્ઞાનપીઠ પુરસ્કાર વિજેતા નેતા, સાહિત્યાકર બીટી લલિતા નાઇક, નિદુમામિડી મઠના પ્રમુખ વીરભદ્ર ચન્નામલ્લા સ્વામી અને બુદ્ધિજીવી સીએસ દ્વારકાનાથનો સમાવેશ access_time 12:55 am IST

  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST

  • રાજસ્થાનમાં આંધીને કારણે દિલ્હીમાં ધૂળની આંધી ;ત્રણ દિવસ ધૂંધળું રહેશે વાતાવરણ;હવામાનના નિષ્ણાંતો મુજબ :રાજસ્થાનમાં ભીષણ તાપમાન વચ્ચે પશ્ચિમી વિક્ષોભના કારણે ભારે પવનથી ધૂળની આંધીની અસર દિલ્હી, એનસીઆર ક્ષેત્રમાં થશે access_time 11:37 pm IST