Gujarati News

Gujarati News

News of Wednesday, 13th June 2018

આણંદ એસઓજીએ આંકલાવ અને ધુવારણમાંથી વરલી મટકાનો જુગાર રમતા 4 શખ્સોને રંગે હાથે ઝડપ્યા

આંકલાવ:આણંદ એસઓજી અને એલસીબી પોલીસે આંકલાવમાં બે સ્થળોએ તેમજ ખંભાત તાલુકાના ધુવારણ ગામે દરોડાઓ પાડીને વરલી મટકાનો આંક ફરકનો જુગાર રમાડતાં ચાર શખ્સોને ઝડપી પાડીને જુગાર ધારાની જુદી-જુદી કલમો હેઠળ ગુનાઓ દાખલ કરીને કાર્યવાહી હાથ ઘરી છે.

પ્રાપ્ત વિગતો અનુસાર આંકલાવ પોલીસને હકિકત મળી હતી કે, અંબાલીપુરા બસસ્ટેન્ડ પાસે વરલી મટકાનો જુગાર રમાઈ રહ્યો છે જેથી છાપો મારતાં સતીષ કાન્તીભાઈ રાણા ૨૨૬૦ની રોકડ તથા આંકડાની સ્લીપો સાથે ઝડપાઈ જવા પામ્યો હતો. તેની પુછપરછ કરતાં તે આંકલાવના શોકતઅલી ઈનાયતઅલી સૈયદ વતી આંકડા ઉઘરાવતો હોવાની કબુલાત કરી હતી. બીજા બનાવમાં એસઓજી પોલીસે વીરકુવા ચોકડી પાસે છાપો મારીને શોકતઅલી વતી આંકડાઓ ઉઘરાવતા વિનુભાઈ ભુપતભાઈ પરમાર (બોદાલ)તથા રમેશભાઈ ચંદુભાઈ પઢિયાર (અંબાવ)રોકડા ૩૮૦૦ તથા એક મોબાઈલ સાથે ઝડપાઈ જવા પામ્યા હતા.

જ્યારે આણંદ લોકલ ક્રાઈમ બ્રાન્ચ પોલીસે ગઈકાલે સાંજના સુમારે ધુવારણના વચલાપુરા ખાતે દરોડો પાડીને ગણપતસિંહ ઉર્ફે ગણપત રતનસિંહ સિંઘાને વરલી મટકાનો જુગાર રમાડતાં ઝડપી પાડીને તેની પાસેથી રોકડા ૯૩૬૫ જપ્ત કર્યા હતા. ગણપતસિંહ આંકડા ઉઘરાવીને ખંભાતના ઐયુબ બદરૂદ્દીન શેખને ત્યાં કપાવતો હોવાનું ખુલવા પામતાં પોલીસે તમામ વિરૂધ્ધ ગુનો દાખલ કરીને કાર્યવાહી હાથ ઘરી છે.

(6:00 pm IST)
  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • આજથી સમગ્ર વિશ્વમાં ફુટબોલ ફીવરઃ ફીફા વર્લ્ડકપનો પ્રારંભઃ ૧૧ શહેરના ૧૨ સ્ટેડિયમોમાં રમાશે ૬૪ મેચઃ રશિયામાં ઉત્સાહનું મોજુઃ પ્રથમ મેચ યજમાન રશિયા અને સાઉદી અરેબિયા વચ્ચે access_time 11:31 am IST