Gujarati News

Gujarati News

News of Wednesday, 13th June 2018

આણંદ તાલુકાના નાવલી અને લીમડાપુરાની સગીરાને લગ્ન કરવાની લાલચ આપી ભગાડી જનાર શખ્સો વિરુદ્ધ ફરિયાદ

આણંદ:તાલુકાના નાવલી અને સામરખા નજીક આવેલા લીમડાપુરાની સગીરાને લગ્ન કરવાની લાલચ આપીને દુષ્કર્મ ગુજારવાના ઈરાદે ભગાડી લઈ ગયાની બે અલગ-અલગ ફરિયાદો આણંદ રૂરલ પોલીસ મથકે દાખલ થતાં આણંદના સીપીઆઈએ તપાસ હાથ ઘરી છે.

મળતી વિગતો અનુસાર નાવલી સાથરાવાડ ખાતે રહેતી એક ૧૭ વર્ષ અને ૯ માસની સગીરાને ગત ૧૧મી તારીખના રોજ સવારના છ વાગ્યાના સુમારે ગામના લીમડીવાળા ફળિયામાં રહેતો શીવો ઉર્ફે શકો શનાભાઈ પરમાર લગ્ન કરવાની લાલચ આપીને ભગાડી લઈ ગયો હતો. જ્યારે બીજા બનાવમાં સામરખા રોડ ઉપર આવેલા લીમડાપુરા ખાતે રહેતી એક ૧૭ વર્ષ અને છ માસની સગીરાને ગત ૧૧મી તારીખના રોજ સવારના સાડા દશેક વાગ્યાના સુમારે મુળ દાહોદ જિલ્લાના મુણધા ગામનો પરંતુ હાલમાં આણંદ નાની ખોડીયાર ખાતે રહેતો કાંતુભાઈ રમણભાઈ પારઘી તેના મિત્રની મદદથી ભગાડી લઈ ગયો હતો.

(6:00 pm IST)
  • શ્રીનગરમાં વરિષ્ઠ પત્રકાર સુજાત બુખારીની ગોળી મારીને હત્યા : જમ્મુ અને કાશ્મીરની રાજધાની શ્રીનગરમાં વરિષ્ઠ પત્રકાર શુજાત બુખારીની ગોળી મારીને હત્યા કરી દેવામાં આવી છે. તેઓ 'રાઇઝિંગ કાશ્મીર' અખબારના સંપાદક હતા. : સત્તારૂઢ પીડીપી (પીપલ્સ ડેમોક્રેટિક પાર્ટી) ના નઇમ અખતરે જણાવ્યું,કે જ્યારે ઓફિસમાંથી બહાર નીકળી રહ્યા હતા, ત્યારે અજાણ્યા શખ્સોએ તેમને ગોળી મારી હતી. access_time 8:36 pm IST

  • ભાજપના સાંસદ શત્રુઘ્નસિંહા આરજેડીની ઈફ્તાર પાર્ટીમાં પહોંચ્યા ;તેજસ્વી યાદવે પહેરાવી ટોપી : ભાજપની સહયોગી જેડીયુ દ્વારા પણ ઈફ્તાર પાર્ટી રાખી હતી પરંતુ શોટગન શત્રુઘ્નસિંહા આજે તેજસ્વી યાદવની ઈફ્તાર પાર્ટીમાં સામેલ થતા રાજકીય અટકળ શરૂ access_time 1:02 am IST

  • સુરતના મેયર તરીકે ડો.જગદીશ પટેલની પસંદગી : સ્ટે. કમિટિના ચેરમેન પદે અનિલ ગોપલાણીની નિમણુંકઃ ડે. મેયર તરીકે નિરવ શાહઃ શાસક પક્ષના નેતા તરીકે દયાંશંકરસિંહની વરણી access_time 11:31 am IST