Gujarati News

Gujarati News

News of Wednesday, 13th June 2018

મહેમદાવાદ તાલુકાના મુવાડામાં તસ્કરોએ બે મકાનમાંથી 1.97 લાખની મતાની ચોરી કરી

મહેમદાવાદ:તાલુકાના ચારણના મુવાડા સામતપુરામાં બે મકાનોમાં તસ્કરોએ ત્રાટકી સોના-ચાંદીના દાગીના તથા રોકડ મળી કુલ રૂપિયા ૧,૯૭,૦૮૭ ની મતા ચોરી ગયા હતા. આ ચોરીના બનાવને બે માસ થયા બાદ મહેમદાવાદ પોલીસમાં ફરિયાદ નોંધાવવામાં આવતા પોલીસે ગુનો નોધી તપાસ હાથ ધરી છે.

પોલીસ સૂત્રોમાંથી મળેલ વિગત મુજબ મહેમદાવાદ તાલુકાના ચારણના મુવાડા સામતપુરામાં કમલેશભાઈ જીતુભાઈ ગઢવી અને તેમના મોટાભાઈ સમરથદાન ગઢવી બંનેના મકાનો અડીને આવેલા છે. ગત તા.૧૯-૪-૧૮ની રાત્રે ગઢવીના પરિવારજનો જમી પરવારી સૂઈ ગયા હતા. આ દરમિયાન રાત્રી સમયે ત્રાટકેલા તસ્કરો કમલેશભાઈ તથા સમરથદાનના મકાનના પાછળના દરવાજામાં હોલ પાડી અંદરની સ્ટોપર ખોલી મકાનમાં પ્રવેશ્યા હતા અને તિજોરી ખોલી તેમાં મૂકેલા સોના-ચાંદીના દાગીના રૂપિયા ૧,૯૭,૦૮૭ ની મતા ચોરી ગયા હતા.

આ બનાવ અંગે કમલેશભાઈ જીતુભાઈ ગઢવીની ફરિયાદ આધારે મહેમદાવાદ પોલીસે ગુનો નોંધી કાયદેસર કાર્યવાહી હાથ ધરી છે.

(5:59 pm IST)
  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • ઉત્તરાખંડમાં ભૂકંપના આંચકા : તીવ્રતા ૪.૦ રિક્ટર સ્કેલ નોંધાઈ : લોકો ઘરની દોડી ગયા : ભૂકંપનું એપી સેન્ટર ઉત્તર કાશીમાં : કોઈ જાનહાની નથી access_time 12:04 pm IST

  • રાજસ્થાનમાં સ્થાનિક સ્વરાજની 27 સીટ પરની પેટાચૂંટણીમાં ભાજપ કોંગ્રેસ વચ્ચે કાટે કી ટક્કર : કોંગ્રેસનો 11 બેઠકોમાં કબ્જો ;ભાજપનો 13 સીટમાં વિજય ;એક બેઠક એનસીપી અને બે સીટ પર અપક્ષનો વિજય થયો છે access_time 11:41 pm IST