Gujarati News

Gujarati News

News of Wednesday, 13th June 2018

અમરેલી જિલ્લાના પીપાવાવ ગામના ૩૦૦ જેટલા અગરિયા મજુરો છેલ્લા ૪૪ દિવસથી ઉપવાસ ઉપરઃ ખારાશવાળી જમીનનો હિસ્સો સરકારે GHCL ને આપી દેતા રોજી રોટીને ફટકો

અમરેલી: અમરેલી જિલ્લાના રાજુલા તાલુકાનું પીપાવાવ ગામ ના ૨૫૦ થી ૩૦૦ જેટલા ગામજનો છેલ્લા ૪૪ દિવસોથી પ્રાંત કચેરી રાજુલા ખાતે પ્રતિક ધરણા ઉપવાસ આંદોલન ચલાવી રહયા છે, આઆંદોલનમાં પાંચ (પ) વ્યકિતઓ ૩૩ દિવસથી આમરણાંત ઉપવાસ કરી રહયા છે, ગામજનો ને પોતાના ઘર આંગણે મીઠુ પકવવાનું કામ કરવાન સમુદ્ર એ વ્યવસ્થા આપી છે પરંતુ પડતર ખારાશ વાળી સરકારી ગામની જમીનનો મોટો હિસ્સો GHCL  કંપનીને સંપાદિત કરી દેવાયો છે આ કંપની આધુનિક ઉપકરણો થી મીઠુ પકવવાનું ચાલુ કરતા છેલ્લા ૧૬ વર્ષથી ગામજનોને મીઠા ઉત્પાદનનું કામ કરવા દહેજ સુધી જવું પડે છે. પોતાના નાના બાળકોને સાથે લઇ જવાથી તેઓનું શિક્ષણ બગડે છે. ભવિષ્ય રોળાય છે. બાકીની પડતર સરકારી ગામસર્વે ની જમીન અન્ય ગામનાં માથાભારે લોકોને મીઠા ઉદ્યોગ માટે ફાળવેલ તેઓએ બાજુની અન્ય જમીનો પર દબાણ કર્યુ છે. GHCL કંપનીએ પણ દબાણો કર્યા છે,GHCL કંપની અને ભુમાફિયાઓને ફાળવેલ જમીનની લીઝ પુર્ણ થઇ જવા છતાં હજુ ભોગવટો ચાલુ છે, ગામજનો ને પોતાના ગામસર્વે નંબરની જમીનો પર ભુમાફિયાઓ પગ મુકવા દેતા નથી. ત્યારે ગામજનોની (૧) GHCL કંપની અને અન્ય ગામનાઓ એ કરેલ દબાણ હટાવવા, (ર) GHCL કંપની અને ભુમાફિયાઓ એ કરેલ શરતભંગની કાર્યવાહી કરવા, (૩) ખાલી થયેલ ગામ સર્વેની જમીનો ગામજનોને રોજી રોટી માટે ફાળવવા, (૪) બેરોજગાર યુવાનોને રોજગાર આપવા જેવી વ્યાજબી માંગણીઓ પુરી કરવા વિનંતી છે. આ આંદોલન માં ૯૦ % થી વધુ કોળી સમાજના લોકો હોઇ તેમને ન્યાય કરવા આપ સાહેબની આવેદન પત્ર આપી અમારી રજુઆત છે, જો ગામજનોને વહેલી તકે આ મુદાઓ બાબતે ન્યાય આપવામાં નહિ આવે તો સુરતમાં વસતા સમસ્ત કોળી સમાજ દ્વારા જન આંદોલન કરાશે, રસ્તા રોકો આંદોલન કરાશે, જેલ ભરો આંદોલન કરાશે અને ગામજનોને ન્યાય ન મળતા આવા આંદોલનો કરવાની ફરજ પડશે તો તેની તમામ જવાબદારી સરકારી તંત્ર અને આપ સાહેબની રહેશે. અમો સુરતનાં કોળી સમાજના યુવાનો આપ સાહેબશ્રી ને આ બાબતે આવેદન આપી જણાવીએ છીએ, અમારી ઉપરોકત રજુઆત સરકારશ્રી સુધી પહોચાડી ગ્રામજનોને વહેલી તકે ન્યાય અપાવવા આપ સાહેબશ્રીને નમ્ર વિનંતી સહ રજુઆત છે...

તેવું ગુજરાત જનચેતના પાર્ટીના શ્રી મનુભાઇ પી. ચાવડાના અહેવાલ દ્વારા શ્રી જયુ ગજેરા ૃંૅં ૯૬૦૧૯૮૫૫૮૯ ની યાદી જણાવે છે.

(7:22 pm IST)
  • નાનાનું ધારદાર ટ્વીટઃ પહેલા દિલ્હીવાળા કેજરીવાલ, કેજરીવાલ કરતા હતા : હવે દિલ્હીવાળા હે ભગવાન, હે ભગવાન કરે છે!!! access_time 11:32 am IST

  • મુંબઈ હુમલાનો માસ્ટર માઈન્ડ હાફિઝ સઈદને જોરદાર ઝટકો :ચૂંટણી આયોગે હાફિઝના સંગઠન જમાત-ઉદ દવાની રાજકીય એકમ મિલ્લી મિસલીમ લીગને રાજકીય પાર્ટી તરીકે નોંધણી કરવાની અરજી ફગાવી :ઇસ્લામાબાદ ઉચ્ચ ન્યાયાલયે પાકિસ્તાન ચૂંટણી પંચે હાફીઝ્ની પાર્ટીને રાજકીય પાર્ટી તરીકે રજીસ્ટ્રેશન કરવાની અરજી નકારી કાઢવાના પોતાના નિર્ણ્યની સમીક્ષા કરે access_time 1:22 am IST

  • કાલે પેટ્રોલમાં લિટરે 8 પૈસાનો ઘટાડો થવાની શકયતા ;ડીઝલના ભાવમાં કોઈ ફેરફાર નહિ થાય: પેટ્રોલ-ડીઝલના ભાવમાં છેલ્લા બે દિવસથી ભાવમાં ઘટાડાને બ્રેક લાગી હતી: કાલે શુક્રવારે પેટ્રોલમાં લીટર માત્ર આઠ પૈસાનો ઘટાડો થશે જયારે ડીઝલના ભાવ યથાવત રહેશે access_time 10:18 pm IST