Gujarati News

Gujarati News

News of Friday, 14th May 2021

સુરતના ડિંડોલી વિસ્તારમાં બે પરિવારો વચ્ચે થયેલ મારામારીમાં 4 લોકો ગંભીર રીતે ઈજાગ્રસ્ત

સુર: શહેર ના ડિંડોલી વિસ્તારમાં આવેલા સ્વસ્તિક લેક સોસાયટીમાં બે પરિવાર વચ્ચે થયેલી મારામારીના વીડિયો વાઇરલ થતા ચર્ચાનો વિષય બન્યો છે. જોકે, ઘટનાની જાણ બાદ ડિંડોલી પોલીસ ઘટના સ્થળે પહોંચી સમગ્ર ઘટનાને થાળે પાડ્યો હોવાનું પણ જાણવા મળ્યું છે. ઘટનામાં 4 જેટલા લોકો ઈજાગ્રસ્ત થયા હોવાનું જાણવા મળ્યું છે.

શ્રવણકુમાર પાંડે (પીડિત પરિવાર) જણાવ્યું હતું કે, પિતા બાલ્કનીમાં બેઠાં હતા. બાજુના ટાવરનો છોકરો ડિવાઈડર કૂદીને કોમ્પ્લેક્સમાં આવી રહ્યો હતો. જેને બૂમ પાડી મેઈન ગેટથી પ્રવેશ કરવા કહ્યું હતું. બસ વાતને લઈ છોકરાના માતા-પિતા ચાર-પાંચ જણાને લઈ તેમના ઘરે દોડી આવ્યા હતા અને દરવાજો ખોલતા મારામારી પર આવી ગયા હતા. ત્યારબાદ બ્લેડ કે ચપ્પુ વડે પરિવારના ત્રણ અને બચાવવા આવેલા એકને ગળાના ભાગે ઘા મારી દીધા હતા.

વધુમાં જણાવ્યું હતું કે, ભારે હોબાળો થતા પોલીસ દોડી આવી હતી. ઇજાગ્રસ્ત પરિવારને તતાકાલિક સારવાર માટે સિવિલ મોકલ્યા હતા. ત્યારબાદ હુમલાખોર પરિવાર સામે તપાસ શરૂ કરી હતી. શ્રવણકુમાર પાંડે મિલમાં નોકરી કરતા હોવાનું અને અલ્લાહબાદના રહેવાસી હોવાનું જાણવા મળ્યું છે. હુમલામાં તેમની પત્ની શશીબેન ઉ.વ. 36, પિતા કમલા શંકર, બચાવવા આવેલા રિતેશ નામના યુવાનને ઇજા થઇ હતી.

(4:49 pm IST)
  • શરદી અને તાવને હળવાશમાં ના લે ખેડૂતો, ગામડાઓ પણ કોરોના ફેલાઈ રહ્યો છે:વડાપ્રધાન મોદીની અપીલ access_time 12:59 am IST

  • એમપીમાં પત્રકારો અને પરિવારની કોરોના સારવારનો ખર્ચ શિવરાજ સરકાર ઉઠાવશે મધ્યપ્રદેશમાં કોરોના વોરિયર પત્રકારો અને તેમના પરિવારના સભ્યોના કોરોનાની સારવારનો સંપૂર્ણ ખર્ચ ભાજપની શિવરાજસિંહ ચૌહાણ સરકાર ઉઠાવશે. access_time 4:59 pm IST

  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST