Gujarati News

Gujarati News

News of Friday, 14th May 2021

માણસા તાલુકાના એક ગામે સગીરા સાથે મિત્રતા બાંધી અપહરણ કરનાર બે યુવકો વિરુદ્ધ પોલીસ ફરિયાદ

માણસા: તાલુકાના એક ગામમાં રહેતો અને કોલેજમાં અભ્યાસ કરતો ૧૭ વર્ષીય સગીર બે દિવસ અગાઉ તેના મિત્ર સાથે ખરીદી માટે નીકળ્યો હતો અને બપોરના સમયે ઘરે પાછા જતી વખતે બાઈક પર આવેલા બે યુવકોએ સગીરને વાત કરવા માટે રોક્યો હતો. જેમાંથી એક યુવક સગીરના ગામનો હતો અને બીજો તેનો મિત્ર હતો. બંને અગત્યનું કામ હોવાનું જણાવી સ્ટીલ ની ગન જેવી વસ્તુ બતાવી સગીર યુવકને બાઈક પર બેસાડી અલુવા ગામ ની નદીની કોતરોમાં લઈ ગયા હતા અને ત્યાં જઈ તેનો મોબાઈલ ઝૂંટવી તેના પિતાને ફોન કરીને જણાવ્યું હતું કે તમારી પુત્રી અને પૈસા આપી જજો નહિ તો તમારા દીકરાને અમે જાનથી મારી નાખીશું તેવી ધમકી આપી હતી.  બીજી બાજુ અપહરણ કરનારા બંને યુવકોએ પોલીસના ડરથી સગીરને ચિલોડા ચાર રસ્તા પાસે ઉતારી ભાડાના સો રૃપિયા આપી ભાગી છૂટયા હતા. ત્યારબાદ યુવકે તેના પિતાને ફોન કરીને પોતાનો છુટકારો થયો હોવાની જાણ કર્યા બાદ ઘરે પરત આવી ગયો હતો અને ઘટનાની સમગ્ર હકીકત માણસા પોલીસને જણાવી અપહરણ કરનાર બન્ને યુવકો વિરુદ્ધ ફરિયાદ આપતા પોલીસે ગુનો નોંધી કાયદેસર કાર્યવાહી હાથ ધરી છે.

(4:47 pm IST)
  • આજે પણ રાજકોટ શહેર - જિલ્લામાં કોરોનાનો કહેર યથાવત : આજે સાંજ સુધીમાં રાજકોટ શહેરમાં 316 અને ગ્રામ્યના 306 કેસ સાથે કુલ 622 નવા કોરોના ના કેસ નોંધાયા access_time 7:34 pm IST

  • રાજકોટમાં સાંજે ૫:૧૫ વાગ્યે વાદળછાયુ વાતાવરણ છવાયુ છે : સૌરાષ્ટ્રના સાગરકાંઠે ૧૮મી સુધીમાં વાવાઝોડુ આવવાની જાહેરાત થઈ છે ત્યારે તેની પૂર્વ સંધ્યાઍ રાજકોટમાં આજે બપોર પછી વાદળા મિશ્રીત તડકાનું વાતાવરણ જાવા મળે છે access_time 5:30 pm IST

  • "સ્પુટનિક-૫" નો પરતી ડોઝનો ભાવ જાહેર થયો: રૂ. ૯૯૫.૪૦ રશિયાથી આવેલી કોરોનાની વેક્સીન "સ્પુટનિક-૫" આવતા સપ્તાહથી ભારતમાં રૂ. ૯૯૫.૪૦ ના ભાવથી મળશે. જુલાઈ મહિનામાં આ રસીનું ઉત્પાદન ભારતમાં શરૂ થશે પછી તેની કિંમતમાં ઘટાડો થશે તેમ જાણવા મળે છે.* access_time 12:52 pm IST