Gujarati News

Gujarati News

News of Friday, 14th May 2021

ગુજરાતની ૬ સરકારી મેડિકલ કોલેજના ૧૪૦૦ તબિબી શિક્ષકોની હડતાલનો મોડી રાતે અંતઃ માંગણીઓ સ્વીકારાઇ

દસ માંગણીઓ ઉપરાંત ૭મા પગાર પંચ મુજબ એનપીપીએ એલાઉન્સ આપવાની મજબૂત ખાત્રી સરકારે આપી : રાજકોટ પીડીયુ મેડિકલ કોલેજના ૧૯૦ તબિબી શિક્ષકો હડતાલમાં જોડાયા હતાં

રાજકોટ તા. ૧૩: ગુજરાત રાજ્યની ૬ સરકારી મેડિકલ કોલેજોના ૧૪૦૦ તબિબી શિક્ષકોની માોટા ભાગની માંગણીઓ સ્વીકારી લેવાતાં મોડી રાતે બારેક વાગ્યે  હડતાલ પુરી થઇ ગઇ છે. તે સાથે જ આજે સવારથી તમામ સરકારી મેડિકલ કોલેજોમાં તબિબી શિક્ષકો ફરજ પર હાજર થઇ ગયા છે.

રાજ્યની તમામ સરકારી મેડિકલ કોલેજોમાં તબિબી શિક્ષકો (પ્રોફેસર્સ)ની અનેક પડતર માંગણીઓનો લાંબા સમયથી ઉકેલ આવ્યો ન હોઇ અને આ બાબતે અનેક વખત રજૂઆતો કરવા છતાં વાજબી અને ન્યાયિક પ્રશ્નોનો હલ થયો ન હોઇ રાજકોટ પીડીયુ મેડિકલ કોલેજના ૧૯૦ તબિબી પ્રોફેસરો કે જે કોવિડ-૧૯માં નિરંતર ફરજ બજાવી રહ્યા છે તેઓને  હડતાળના માર્ગે ચડવું પડ્યું હતું. જેમાં રાજકોટ પીડીયુ મેડિકલ કોલેજના તબિબી શિક્ષકો પણ કોવિડ વિભાગના દર્દીઓની સેવામાં અસર ન થાય એ રીતે હડતાલ પર ઉતર્યા હતાં. ગઇકાલે તબિબી શિક્ષકો નોન-કોવિડ સેવા અને ઓપીડીમાં જોડાયા નહોતાં. બીજી તરફ ગાંધીનગરમાં વાટાઘાટો શરૂ થઇ હતી. અંતે મોડી રાત્રે હડતાલનો સુખદ અંત આવ્યો છે.

રાજકોટ પીડીયુ મેડિકલ કોલેજના અગ્રણી તબિબી શિક્ષકો ડો. કમલ ડોડીયા, ડો. ઉમેદ પટેલ અને ડો. મુકેશ પટેલના જણાવ્યા મુજબ ગુજરાતની છ મેડિકલ કોલેજના ૧૪૦૦ તબિબી અધ્યાપકો ફરજ પર આજ સવારથી હાજર થઇ ગયા છે. મોડી રાતે બારેક વાગ્યા સુધી ચાલેલી બેઠકમાં અંતે વહિવટી તંત્રએ ૧૦ માંગણીઓ ઉપરાતં ૭મા પગારપંચ મુજબ એનપીપીએ એલાઉન્સ આપવાની મજબૂત ખાત્રી આપી છે. આ માટે મહત્વની ચર્ચા કરવા આજે જીએમટીએ સેન્ટ્રલ કાઉન્સીલ સભ્યોની ટીમ ગાંધીનગર બેઠક યોજશે.

(11:03 am IST)
  • છત્તીસગઢ સરકાર આ નાણાકીય વર્ષ દરમિયાન કોરોનાને લીધે તેમના માતાપિતા ગુમાવનારા તમામ બાળકોના શિક્ષણનો સંપૂર્ણ ખર્ચ ઉઠાવશે. આ ઉપરાંત 1 થી 8 ધોરણ સુધીના બાળકોને મહિનામાં 500 રૂપિયા અને નવમી થી બારમી સુધીના આવા બાળકોને દર મહિને 1000 રૂપિયાની શિષ્યવૃત્તિ પણ રાજ્ય સરકાર આપશે. access_time 11:27 pm IST

  • વ્યારા માટે કાળો દિવસ : વ્યારાના બિલ્ડર નિશિશ શાહની જાહેરમાં હત્યા : શનિમંદિર ચાર રસ્તા ઉપર કારમાં આવેલા ચાર શખ્સો ઉપરાઉપરી તલવાર વડે હુમલો કરી નાસી છૂટ્યા :નજીકમાં બેઠલા તરબુચવાળાએ છોડાવવાની કોશિશ કરતા ગંભીર ઘાયલ : લોહીલુહાણ હાલતમાં નિશિશ શાહને દવાખાને ખસેડાયા : તબીબોએ મૃત જાહેર કર્યા access_time 1:02 am IST

  • કર્ણાટક હાઈકોર્ટે ગુરુવારે રાજ્યમાં કોરોના રસીની અછત અને લોકોને બીજો ડોઝ મેળવવામાં વિલંબ થતો હોવા અંગે ચિંતા વ્યક્ત કરી હતી. મુખ્ય ન્યાયાધીશ અભય ઓકા અને ન્યાયાધીશ અરવિંદ કુમારની ખંડપીઠે કહ્યું હતું કે રાજ્યમાં માત્ર 11 લાખ રસીઓ બાકી છે, જ્યારે 31 લાખ લોકો રસીના બીજા ડોઝ માટે કતારમાં ઉભા છે. હાઈકોર્ટે રસીની તીવ્ર ઉણપને ધ્યાનમાં રાખીને રાજ્ય સરકારને પ્રશ્ન કર્યો હતો કે શું રસીનો બીજો ડોઝ લેવો એ મૂળભૂત અધિકાર નથી? access_time 10:48 pm IST