Gujarati News

વડોદરા:મામાના ઘરે રહીને ભણતી ૧૩ વર્ષની કિશોરી પર ખુદ તેના સગા મામાએ જ બળાત્કાર ગુજારીને ગર્ભવતી બનાવી દીધી હતી. સયાજી હોસ્પિટલમાં શારીરિક તપાસ દરમિયાન ભાંડો ફૂટકા વારસીયા  પોલીસે બળાત્કારી મામાની ધરપકડ કરી છે. 

આ અંગેની મળતી માહિતી મુજબ અમદાવાદ નજીકના એક  ગામમાં રહેતી કિશોરીને તેના મામા અભ્યાસ અર્થે નાનપણથી જ વડોદરા પોતાના ઘરે લઇ આવ્યા હતા. કિશનવાડી વિસ્તારમાં મામાના ઘરે રહીને ભણતી કિશોરી પર તેના સગા મામાએ જ દાનત બગાડી હતી, અને છેલ્લા ઘણા સમયથી હવસખોર મામો ભાણીનું શારીરિક શોષણ કરતો હતો. હવસખોર મામા ભાણીને એવી ધમકી આપીને દુષ્કર્મ આચરતા હતા કે કોઇને આ વાતની જાણ કરીશ તો તને જાનથી મારી નાંખીશ.