Gujarati News

(વંદના નીલકંઠ વાસુકિયા દ્વારા) વિરમગામ : ભાજપ સંગઠન ટીમ દ્વારા માંડલના વિવિધ વિસ્તારમાં ગામમાં ડો આંબેડકર 130મી જન્મજયંતિની ઉજવણી કરવામાં આવી હતી. વિવિધ કાર્યક્રમમાં અમદાવાદ જિલ્લા પંચાયતના સદસ્યો, તાલુકા પંચાયત સદસ્ય, ભાજપ સંગઠન ટીમ સહિતના કાર્યકર્તાઓ ઉપસ્થિત રહ્યા હતા.  અમદાવાદ જિલ્લા પંચાયત સદસ્ય ભીખાભાઈ કરશનભાઈ વાઘેલા, માંડલ તાલુકા પંચાયત પ્રમુખ મહેશભાઈ બાબુભાઈ પટેલ, ભાજપ સંગઠન પ્રમુખ દશરથભાઇ પટેલ, અમદાવાદ જીલ્લા મંત્રી કીર્તિબેન આચાર્ય, અનુસૂચિત જાતિ અમદાવાદ જિલ્લા મંત્રી હીરાભાઈ સોલંકી , માંડલ તાલુકા પંચાયત ડેલિકેટ ભરતસંગ ઠાકોર સહિતના ગ્રામજનો ઉપસ્થિત રહ્યા હતા.
  આ ઉપરાંત ડો. બાબાસાહેબ ભીમરાવ આંબેડકર ની જન્મ જયંતી નિમિત્તે ભાવાંજલિ કાર્યક્રમ અંતર્ગત માંડલ ખાતે બાબાસાહેબ આંબેડકર છાત્રાલયમાં ભારતના બંધારણના ઘડવૈયા ભારત રત્ન ડૉ.બાબાસાહેબ આંબેડકરને નમન કરી પુષ્પાંજલિ અર્પણ કરવામાંઆવી હતી. ભારતીય જનતા પાર્ટી અમદાવાદ જિલ્લા મંત્રી કીર્તિબેન આચાર્ય, છાત્રાલયના પ્રમુખ મૂળજીભાઈ તથા મંત્રી બાબાભાઈ પંચાસરા ઉપસ્થિત રહ્યા હતા (તસવીર- જગદીશ રાવળ (ટ્રેન્ટ)