Gujarati News

Gujarati News

News of Wednesday, 14th April 2021

ગાંધીનગર જિલ્લામાં ખાનગી હોસ્પીટલોને રેમડેસીવીર ઇન્જેક્શનની ફાળવણી કરવાની વ્યવસ્થા ગોઠવાઈ

દર્દીઓને હાલાકી ના પડે એ માટે જિલ્લા ઇમર્જન્સી રિસ્પોન્સ સેન્ટર દ્વારા વ્યવસ્થા કરવા આદેશ : સિવિલમાંથી જરૂરિયાત મુજબના ઇન્જેક્શન મળી રહેશે

નોવેલ કોરોના વાઇરસ(Covid-19)ના ગાંધીનગર જિલ્લાનાં દર્દીઓને રેમડેસીવીર ઇન્જેક્શન મેળવવામાં હાલાકી ન પડે તે માટે ગાંધીનગર જિલ્લા માટે સિવિલ હોસ્પિટલ, ગાંધીનગરમાં ઉપલબ્ધ જથ્થા પૈકી તેમની જરૂરીયાત મુજબનો જથ્થો રીઝર્વ રાખી અન્ય બચત રહેતા જથ્થામાંથી ખાનગી હોસ્પિટલોને પડતર કિંમતે inj.Remdesivirની ફાળવણી કરવાની રહેશે, ગાંધીનગર જિલ્લાની જે હોસ્પિટલોને inj.Remdesivirની જરૂરીયાત હોય તે આ સાથે સામેલ પત્રક-૧ મુજબની વિગતો સાથે covid19.inj.gnr@gmail.com ઇ-મેઇલ આઇડી પર હોસ્પિટલના અધિકૃત વ્યક્તિની સહી સાથે દરરોજ સાંજે ૪.૦૦ કલાક પહેલાં મોકલી આપવાના રહેશે.

સિવિલ હોસ્પિટલ, ગાંધીનગરમાંથી રીઝર્વ જથ્થો બાદ કરતાં બચત રહેતા સ્ટોકમાંથી અત્રેથી આવનાર હુકમ મુજબ Pro rata basis પર પડતર કિંમતે ફાળવણી કરવાની રહેશે. સિવિલ હોસ્પિટલ, ગાંધીનગરે પોતાની પાસે ઉપલબ્ધ જથ્થો રીઝર્વ જથ્થો વિગેરે વિગત આ સાથે સામેલ પત્રક પત્રક-૨ મુજબ covid19.in.gnr@gmail.com ઇ-મેઇલ આઇડી પર સવારે ૮.૦૦ વાગ્યે તથા ૪.૦૦ વાગ્યે બિનચુક મોકલી આપવાનું રહેશે.

સબબ, વ્યવસ્થા હેઠળ દર્દીઓના સગાઓ જથ્થો લેવા ન મોકલતાં સંબંધિત હોસ્પિટલોએ તેમને ફાળવેલ ઇન્જેક્શન મેળવવા હોસ્પિટલના અધિકૃત વ્યક્તિને જ અત્રેની સુચના મુજબ સિવિલ હોસ્પિટલ, ગાંધીનગર ખાતે મોકલી આપવાનું રહેશે

(9:09 pm IST)
  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST

  • કુંભ મેળો ચાલુ રાખવો કે બંધ? મીટીંગનો ધમધમાટ : હરિદ્વારમાં ચાલી રહેલ કુંભમેળામાં સંખ્યાબંધ ભાવિકોને કોરોના વળગતા કેન્દ્ર સરકાર અને ઉત્તરાખંડ સરકાર વચ્ચે કુંભ મેળો ચાલુ રાખવો કે બંધ કરવો તે અંગે ઘનિષ્ઠ ચર્ચા - વિચારણા આ લખાય છે ત્યારે ચાલી રહી છે : મોડી સાંજ સુધીમાં કુંભ મેળા અંગેનો અંતિમ નિર્ણય લેવાઈ જશે તેમ જાણવા મળે છે access_time 5:07 pm IST

  • રાજકોટમાં દાણાપીઠના વેપારીઓનું આવતીકાલ ગુરૂવાર ૧૫ એપ્રિલથી રવિવાર ૧૮ એપ્રિલ ૨૦૨૧ સુધી અડધા દિવસનું સ્વૈચ્છિક લોકડાઉન રહેશે : રાજકોટ દાણાપીઠમાં આવેલી હોલસેલ અને રીટેલની અંદાજે ૨૫૦ જેટલી દુકાનો સવારે ૯ થી બપોરે ૩ વાગ્યા સુધી ખુલ્લી રહેશે તેવુ એસોસીઍશનના હોદ્દેદારો દ્વારા જાણવા મળે છે access_time 5:22 pm IST