Gujarati News

Gujarati News

News of Wednesday, 14th April 2021

ઈડરના ગંભીરપુરા-લીંભોઇ રોડ નજીક દીપડાએ એક મજુર પર હુમલો કરતા લોકોમાં ભયનો માહોલ

ઈડરતાલુકા ના ગંભીરપુરા-લીંભોઈ રોડ પર આવેલી ગ્રેનાઈટ ફેક્ટરી પાસે સોમવારની રાત્રે દિપડાએ દેખા દેતાંઅહીં કામ કરતા મજુરોમાં ભય સાથે નાસભાગ મચી ગઈ હતી. દરમિયાન દિપડાએ એક મજુર પર હુમલાનો પ્રયાસ કર્યો હતોજેમાં હુમલાથી બચવા મજુરે ઓફિસ તરફ દોટ મુકતાંભોંય પર પટકાવાથી મજુરને માથા તથા હાથ પર ઈજાઓ પહોંચી હતી. ઘટનાની જાણકારી બાદ વનતંત્રએ પાંજરૂ ગોઠવવા તજવીજ હાથ ધરી છે.

ઈડર પંથકમાં ફરી એકવાર દિપડાના આંટાફેરા વધી ગયા છે. અગાઉ ગંભીરપુરા બાદ સોમવારે રાત્રે લીંભોઈ રોડ પર આવેલા સાંઈ સ્ટોન ફેક્ટરી પાસે દિપડો દેખાયો હતો. ફેક્ટરીના પાછળના ભાગે ખુંખાર દિપડો નજરે પડતાં અહીં કામ કરતા કામદારોમાં નાસભાગ મચી ગઈ હતી. દરમિયાન દિપડાએ એક કામદારનો પીછો કરી હુમલાનો પ્રયાસ કર્યો હતો. જેને કારણે કામદારે ઓફિસ તરફ દોટ મૂકી હતીજેમાં ફફડાટને કારણે જમીન પર પટકાવાથી કામદારને માથા તથા હાથના ભાગે ઈજા પહોંચી હતી.

બીજી બાજુ દિપડાને ઓફિસ તરફ ધસી આવતો જોઈ અન્ય કામદારોએ બુમાબુમ કરતાં આખરે દિપડો ડુંગર તરફ ભાગી ગયો હતો. બાદમાં ઘટના અંગે ફેક્ટરી માલિક શૈલેન્દ્રસિંહને જાણ થતાં તેઓએ વનતંત્રને જાણ કરી હતી.

  જાણકારી બાદ વનતંત્રની ટીમે દોડી આવી જરૂરી તપાસ બાદ અહીં પાંજરૂ ગોઠવવા તજવીજ હાથ ધરી છે. ફેક્ટરી માલિકના જણાવ્યા મુજબ અગાઉ પણ દિપડો ફેક્ટરી સુધી આવી કુતરાનું મારણ કરી ગયો છે.

(6:37 pm IST)
  • રાજકોટમાં દાણાપીઠના વેપારીઓનું આવતીકાલ ગુરૂવાર ૧૫ એપ્રિલથી રવિવાર ૧૮ એપ્રિલ ૨૦૨૧ સુધી અડધા દિવસનું સ્વૈચ્છિક લોકડાઉન રહેશે : રાજકોટ દાણાપીઠમાં આવેલી હોલસેલ અને રીટેલની અંદાજે ૨૫૦ જેટલી દુકાનો સવારે ૯ થી બપોરે ૩ વાગ્યા સુધી ખુલ્લી રહેશે તેવુ એસોસીઍશનના હોદ્દેદારો દ્વારા જાણવા મળે છે access_time 5:22 pm IST

  • લોકસભાના સાંસદ અને કોંગ્રેસ નેતા રાહુલ ગાંધીની આજે પશ્ચિમ બંગાળમાં સહુ પ્રથમ ચૂંટણી રેલી : ઉત્તર દિનાજપુરના ગોલાપોખર અને દાર્જિલિંગના બગડોગરા ખાતે જાહેર સભાને સંબોધન કરશે access_time 1:30 pm IST

  • રાજકોટમાં ગરમીમાં આંશિક ઘટાડોઃ ૩૯ ડીગ્રીઃ પવનની ગતિ ૮ કિ.મી. access_time 4:06 pm IST