Gujarati News

Gujarati News

News of Wednesday, 14th April 2021

મોડાસા:ભેરૂન્ડા નજીક પીવાના પાણીની પાઇપ લાઈનમાં ભંગાણ સર્જાતા પાણીના જથ્થાનો વ્યય થતા લોકોમાં રોષની લાગણી

ધનસુરા: તાલુકાના કોલવડા ગામના સમસ્ત ગ્રામજનોએ પાણી વગરના તંત્ર દ્વારા સર્જાતી હાલાકીને લઈ તંત્રને પાણી બતાવી અગાઉ યોજાયેલી લોકસભાની ચૂંટણીનો બહિષ્કાર કર્યો હતો.ત્યારે પંથકના ગ્રામજનોને પીવાનું પાણી ઘેર બેઠા નમર્દાના નીર પહોંચાડવાની યોજના વારંવાર લીકેજ થઈ જતાં પીવાનું પાણી  મેળવવાની રહી સહી યોજના ઉપર પાણી ફરી વળ્યું છે. એસ.કે.ટુ યોજના હેઠળ ભેરૂન્ડાબોરડીકઉ અને કોલવડા પંથકમાં પીવાનું પાણી પુરૂ પાડવા અંદાજે વર્ષ અગાઉ પાઈપ લાઈન નંખાઈ હતી. ભેરૂન્ડા પાસે વારંવાર પાઈપ લાઈનમાં ભંગાણ સર્જાય છે. અને લીકેજ થતાં પાણીનો વ્યય થાય છે.

એક માસમાં પાંચથી વધુ વાર પાઈપ લાઈનમાં લીકેજ થતાં લોકોને પીવાનું પાણી મળતું નથી. હાલ ઉનાળાની ગરમીમાં પાણી માટે લોકો વલખા મારી રહયા છે.ત્યારે ભેરૂન્ડા અને હમીરપુર ગામ પાસે નંખાયેલ પાઈપ લાઈનમાં વારંવાર ભંગાણ સર્જાય છે. જેથી પંથકના ગ્રામજનો પીવાનું પાણી મેળવી શકયા નથી.

આમ પીવાના પાણીની યોજનામાં વપરાયેલ હલકી ગુણવત્તાવાળા પાઈપ લાઈનના કારણે વારંવાર ભંગાણ સર્જાતા છે. કરોડો રૂપિયા ખર્ચી ઘડી કાઢેલા નર્મદાના નીર ઘર આંગણે પહોંચાડવાની યોજનાનો ફિયાસ્કો થયો હતો.

(6:36 pm IST)
  • પશ્ચિમ બંગાળમાં વધી રહેલા કોરોના કેસ વચ્ચે ચૂંટણી પ્રચાર વર્ચુઅલ રાખવો કે કેમ : ચૂંટણી પંચે 16 એપ્રિલના રોજ સર્વપક્ષીય બેઠક બોલાવી access_time 8:28 pm IST

  • જામનગર કલેકટરની લોકોને ગંભીર અપીલ : લોકો મહેરબાની કરીને કોરોનાનો પ્રોટોકોલ અનુસરે, અન્યથા કોરોનાની ટ્રીટમેન્ટ નહિ થઈ શકે : હોસ્પિટલના ડોકટરોએ છેલ્લા 8 - 9 દિવસથી આરામ પણ નથી કર્યો : કોવિડ હોસ્પિટલની હાલત પણ ખૂબ ગંભીર બની છે access_time 11:57 pm IST

  • ઓક્સિજનની સુવિધા માટે ગાંધીનગર ખાતે સ્ટેટ કંટ્રોલ રૂમ તૈયાર કરાયો : IAS અધિકારી એ.બી.પંચાલની ઇન્ચાર્જ તરીકે કરાઇ નિમણૂંક access_time 11:41 pm IST