Gujarati News

Gujarati News

News of Wednesday, 14th April 2021

ગાંધીનગર જિલ્લામાં પોલીસે બાતમીના આધારે સઇજ ગામના મકાનમાં દરોડા પાડી 19 બોટલ વિદેશી દારૂનો જથ્થો જપ્ત કરવામાં આવ્યો

ગાંધીનગર:જિલ્લામાં દેશી વિદેશી દારૃની હેરાફેરી અને વેચાણ અટકાવવા માટે પોલીસ દ્વારા દોડધામ કરવામાં આવી રહી છે ત્યારે કલોલ તાલુકા પોલીસે બાતમીના આધારે સઈજ ગામના મકાનમાં દરોડો પાડીને સંતાડાયેલો વિદેશી દારૃની ૧૯ બોટલ કબ્જે કરી હતી. જયારે દારૃ સંતાડનાર શખ્સની શોધખોળ આદરી છે. ૭૬૦૦નો મુદ્દામાલ કબ્જે કરીને પ્રોહીબીશન એકટ મુજબ ગુનો નોંધી વધુ તપાસ શરૃ કરી છે.  

રાજયમાં દારૃબંધી હોવાછતાં પરપ્રાંતમાંથી મોટા પ્રમાણમાં વિદેશી દારૃનો જથ્થો ઘુસાડવામાં આવી રહયો છે ત્યારે પોલીસ બાતમીદારોને સક્રિય કરી ઠેકઠેકાણે દરોડા પાડી રહી છે અને દારૃના જથ્થાનો સંગ્રહ કરતાં શખ્સોને પકડવામાં આવી રહયા છે. કલોલ તાલુકા પોલીસની ટીમ પેટ્રોલીંગમાં હતી તે દરમ્યાન બાતમી મળી હતી કે સઈજ ગામમાં રહેતો કિરણ ઉર્ફે જનક માનસંગજી ઠાકોર તેના ઘરે વિદેશી દારૃનો જથ્થો રાખીને વેચાણ કરે છે. જે બાતમીના પગલે પોલીસ ટીમે તેના ઘરે દરોડો પાડયો હતો અને ઓસરીમાં બે પ્લાસ્ટિકની થેલીઓ મળી આવી હતી. જેમાં તપાસ કરતાં અલગ અલગ માર્કાની વિદેશી દારૃની ૧૯ બોટલ મળી આવી હતી. ૭૬૦૦નો મુદ્દામાલ પોલીસે કબ્જે કર્યો હતો અને કિરણ ઠાકોર મળી આવ્યો નહોતો. જેથી તેની સામે કલોલ તાલુકા પોલીસ મથકમાં પ્રોહીબીશન એકટ મુજબ ગુનો નોંધીને તેની શોધખોળ શરૃ કરવામાં આવી હતી. તેના પકડાયા બાદ ખબર પડશે કે તે દારૃ કયાંથી લાવ્યો હતો અને કોને કોને વેચતો હતો. 

(6:34 pm IST)
  • લોકસભાના સાંસદ અને કોંગ્રેસ નેતા રાહુલ ગાંધીની આજે પશ્ચિમ બંગાળમાં સહુ પ્રથમ ચૂંટણી રેલી : ઉત્તર દિનાજપુરના ગોલાપોખર અને દાર્જિલિંગના બગડોગરા ખાતે જાહેર સભાને સંબોધન કરશે access_time 1:30 pm IST

  • રાજકોટ કોંગ્રેસના દિગ્ગજ નેતા શ્રી ઇન્દ્રનીલ રાજ્યગુરુ થયા કોરોના સંક્રમિત : સારવાર માટે હોસ્પિટલ ખસેડાયા access_time 7:57 pm IST

  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST