Gujarati News

Gujarati News

News of Wednesday, 14th April 2021

ખંભાત તાલુકાના ફીણાવ ગામે પત્નીને મળવા ગયેલ પાડોશીએ પતિની કરપીણ હત્યા કરી નાખતા ગામમાં અરેરાટી મચી જવા પામી

ખંભાત:તાલુકાના ફીણાવ ગામે કુદરતે હાજતે ગયેલ પત્નીને બાજુના ખેતરવાળો મળવા આવ્યો હોવા અંગે ખેતરવાળા સાથે થયેલ ઝઘડામાં પતિની હત્યા થઈ જતા નાનકડા ગામમાં ભારે ચકચાર મચી જવા પામી છે

ખંભાત તાલુકાના ફીણાવ ગામે રહેતા કૈલાશબેન (ઉં..૩૨) ગતરોજ રાત્રિના સાડા આઠેક વાગ્યાના સુમારે જામન સીમ વિસ્તારમાં કુદરતી હાજતે ગયા હતા ત્યારે બાજુમાં આવેલ ખેતરના માલિક લાલજીભાઈ ઉર્ફે સંજય બેચરભાઈ પટેલ ત્યાં હાજર હતા. દરમ્યાન કૈલાશબેનના પતિ ખોડાભાઈ પણ પત્ની પાછળ આવતા તેઓએ સંજયભાઈને ત્યાં જોતા તુ મારી પત્નીને મળવા આવ્યું છે કહેતા બંને વચ્ચે બોલાચાલી થઈ હતી. બોલાચાલીએ ઉગ્ર સ્વરૂપ ધારણ કરતા બંને વચ્ચે ઝપાઝપી થઈ હતી અને જેમાં લાલજીભાઈ ઉર્ફે સંજયે ખોડાભાઈને માર મારી જમીન ઉપર પાડી દીધા હતા અને છાતી ઉપર બેસી જઈ માથુ પકડીને જમીન  સાથે વારંવાર પછાડતા ખોડાભાઈ બેભાન થઈ ગયા હતા. દરમ્યાન કૈલાશબેને બુમાબુમ કરતા ઘરના સભ્યો અને આસપાસના લોકો ઘટના સ્થળે એકત્ર થઈ ગયા હતા અને ઘવાયેલા ખોડાભાઈને સારવાર અર્થે નજીકના દવાખાને લઈ જતા તબીબે તેઓને તપાસીને મૃત જાહેર કર્યા હતા.

(6:33 pm IST)
  • ઓરિસ્સામાં કોરોના વેક્સિનની અછત : રાજ્યના 11 જિલ્લાઓમાં રસીકરણ અભિયાન સ્થગિત કરાયું : ઓરિસ્સાના 30 જિલ્લાઓમાંથી 11 જિલ્લાઓમાં વેક્સિનની તંગીને કારણે રસીકરણ અટકી ગયું access_time 1:03 am IST

  • રાજકોટ કોમોડિટી એક્સચેન્જના CEO શ્રી પી.બી. પાઠકનું દુઃખદ અવસાન : કોરોના સામે જંગ હારી ગયા : રાજકોટનું વધુ એક રત્ન કોરોનાએ છીનવી લીધું access_time 11:20 pm IST

  • લોકસભાના સાંસદ અને કોંગ્રેસ નેતા રાહુલ ગાંધીની આજે પશ્ચિમ બંગાળમાં સહુ પ્રથમ ચૂંટણી રેલી : ઉત્તર દિનાજપુરના ગોલાપોખર અને દાર્જિલિંગના બગડોગરા ખાતે જાહેર સભાને સંબોધન કરશે access_time 1:30 pm IST