Gujarati News

Gujarati News

News of Wednesday, 14th April 2021

વડોદરાના નાગરવાડા વિસ્તારમાં જૂની અદાવતની તીસ રાખી ઘર બેઠેલ યુવકને લોખંડના પાઇપથી માર મારી ઇજા પહોંચાડનાર વિરુદ્ધ ગુનો દાખલ

વડોદરા:શહેરના નાગરવાડા વિસ્તારમાં જૂની અદાવત રાખી ઘર પાસે બેસેલા યુવકને લોખંડની પાઇપના ફટકા મારી ઇજા પહોંચાડી હુમલાખોર નાસી છુટ્યો હતો. બનાવ સંદર્ભે કારેલીબાગ પોલીસે વધુ તપાસ હાથ ધરી છે.

વડોદરા શહેરના નાગરવાડા વિસ્તારમાં લાલજી કૂઇ મસ્જિદ પાસે રહેતા વાસીક ઈકબાલભાઈ અજમેરી કન્સ્ટ્રક્શનના વ્યવસાય સાથે સંકળાયેલા છે. ત્રણ મહિના અગાઉ પૈસાની લેતીદેતી મામલે તેમનો કાદર પઠાણ ( રહે- નવીધરતી શાળા નંબર 10 વડોદરા) સાથે ઝઘડો થયો હતો.

ગઈકાલે રાત્રે વાર્ષિક પોતાના ઘર પાસે બેઠો હતો તે દરમિયાન જૂની અદાવત રાખી કાદર પઠાણ લોખંડના પાઇપ સાથે ધસી આવ્યો હતો અને વાસીક પર અચાનક હુમલો કરી અપશબ્દો બોલી જાનથી મારી નાખવાની ધમકી આપી હતી. હુમલાના પગલે ઈજાગ્રસ્ત યુવકને સારવાર અર્થે સયાજી હોસ્પિટલ ખસેડવામાં આવ્યો હતો બનાવ સંદર્ભે ફરિયાદના આધારે પોલીસે કાદર પઠાણ વિરુદ્ધ મારામારી ધાક-ધમકી સહિતની કલમો હેઠળ ગુનો નોંધી કાયદેસરની કાર્યવાહી હાથ ધરી છે

(6:31 pm IST)
  • કુંભ મેળો ચાલુ રાખવો કે બંધ? મીટીંગનો ધમધમાટ : હરિદ્વારમાં ચાલી રહેલ કુંભમેળામાં સંખ્યાબંધ ભાવિકોને કોરોના વળગતા કેન્દ્ર સરકાર અને ઉત્તરાખંડ સરકાર વચ્ચે કુંભ મેળો ચાલુ રાખવો કે બંધ કરવો તે અંગે ઘનિષ્ઠ ચર્ચા - વિચારણા આ લખાય છે ત્યારે ચાલી રહી છે : મોડી સાંજ સુધીમાં કુંભ મેળા અંગેનો અંતિમ નિર્ણય લેવાઈ જશે તેમ જાણવા મળે છે access_time 5:07 pm IST

  • સુરત શહેર જિલ્લામાં આજે બપોર સુધીમાં : નવા ૪૨૭ કેસ નોંધાયા જેમાં સુરત શહેરના ૩૪૨ અને જિલ્લાના ૮૫ access_time 1:17 pm IST

  • પટણા એઈમ્સ હોસ્પિટલમાં આઈ.એ.એસ.અધિકારીને પ્રવેશ મળી શકે છે તો નિવૃત ફૉજીને કેમ નહીં ? : પટણામાં કોરોનાથી પીડિત નિવૃત્ત સૈન્ય અધિકારીનું એમ્બ્યુલન્સમાં મોત : નેશનલ મેડિકલ કોલેજ હોસ્પિટલમાં આરોગ્ય મંત્રી આવી રહ્યા છે તેવું બહાનું કાઢ્યું : પટણા એઇમ્સે ભરતી કરવાનો ઇનકાર કર્યો : નિવૃત ફૌજીના મોતે આરોગ્ય તંત્ર સામે સવાલો ઉભા કરી દીધા access_time 8:59 pm IST