Gujarati News

Gujarati News

News of Wednesday, 14th April 2021

ગુજરાત કોંગ્રેસના પૂર્વ પ્રમુખ અર્જુન મોઢવાડિયા અને અમદાવાદના દાણીલીમડાના કોîગ્રેસના કોર્પોરેટર શહેઝાદ ખાનને કોરોનાઃ મ્યુનિસિપલ કોર્પોરેશનના ભાજપ કાર્યાલય મંત્રી પ્રશાંત કાપડિયાનું અવસાન

અમદાવાદ: કોરોના વાઈરસની બીજી લહેર ગુજરાતમાં સતત આતંક મચાવી રહી છે. આ જીવલેણ વાઈરસથી સામાન્ય નાગરિકોથી માંડીને મોટા-મોટા નેતાઓ પણ સંક્રમિત થઈ ચૂક્યાં છે, ત્યારે ગુજરાત કોંગ્રેસના પૂર્વ પ્રમુખ અર્જુન મોઢવાડિયા કોરોનાથી સંક્રમિત થતાં તેમને યુએન મહેતા હોસ્પિટલમાં સારવાર અર્થે ખસેડવામાં આવ્યા છે.

ગુજરાત કોંગ્રેસના પૂર્વ પ્રમુખ અર્જુન મોઢવાડિયાનો કોરોનાનો RT-PCR રિપોર્ટ પોઝિટિવ આવ્યો છે. જે બાદ તેમણે પોતાના સંપર્કમાં આવેલા તમામને પોતાના કોરોના ટેસ્ટ કરાવવા માટે અપીલ કરી છે. આ સિવાય દાણીલીમડાથી કોંગ્રેસના કોર્પોરેટર શહેઝાદ ખાનનો પણ કોરોના રિપોર્ટ પોઝિટિવ આવ્યો છે.

આ સિવાય મ્યુનિસિપલ કોર્પોરેશનમાં ભાજપ કાર્યાલય મંત્રી પ્રશાંત કાપડિયાનું પણ કોરોનાના કારણે નિધન થયું છે. પ્રશાંત કાપડિયા કોરોનાથી સંક્રમિત થયા બાદ શહેરની SVP હોસ્પિટલમાં સારવાર હેઠળ હતા. જ્યાં મોડી રાત્રે તેમણે અંતિમ શ્વાસ લીધા છે.

(4:49 pm IST)
  • CBSE ધો. ૧૨ની પરીક્ષા મોકૂફ : ધો. ૧૦ની પરીક્ષા રદ્દ : વડાપ્રધાન નરેન્દ્રભાઈ મોદીએ યોજેલ કેન્દ્રીય શિક્ષણ પ્રધાન અને શિક્ષણ સચિવ સાથે યોજાયેલ બેઠકમાં કોરોનાની મહામારીને ધ્યાનમાં રાખીને સીબીએસઈ પરીક્ષાઓને લઈને મોટો નિર્ણય કર્યો છે. સીબીએસઈ ધો.૧૨ની પરીક્ષા મોકૂફ અને ધો.૧૦ની પરીક્ષા રદ્દ કરવામાં આવી છે access_time 2:14 pm IST

  • દેશમાં કોરોના કેસમાં ભયાનક ઉછાળો :પહેલીવાર નવા કેસનો આંક 2 લાખ નજીક પહોંચ્યો : તમામ રેકોર્ડ તૂટયા : એક્ટિવ કેસમાં ધરખમ વધારો : રાત્રે 12 વાગ્યા સુધીમાં કોરોનાના નવા 1,99,376 કેસ નોંધાયા :કુલ કેસની સંખ્યા 1,40,70,890 થઇ :એક્ટિવ કેસ 14,65,877 થયા : વધુ 93,418 દર્દીઓ સ્વસ્થ થતા કુલ 1,24,26,146 સાજા થયા :વધુ 1037 લોકોના મોત સાથે કુલ મૃત્યુઆંક 1,73,152 થયો : મહારાષ્ટ્રમાં સૌથી વધુ 58,952 નવા કેસ, :ઉત્તર પ્રદેશમાં 20,439 કેસ, દિલ્હીમાં 17,282 કેસ , છત્તીસગઢમાં 14,250 કેસ અને કર્ણાટકમાં 11,265 કેસ નોંધાયા access_time 1:12 am IST

  • ઉત્તર પ્રદેશમાં સ્થાનિક સ્વરાજ્યની ચૂંટણી સ્થગિત કરવા ભાજપ સાંસદ કૌશલ કિશોરની માંગ : ચૂંટણી આયોગને લખ્યો પત્ર : કોરોનાએ હાહાકાર મચાવ્યો : અનેક જિલ્લાઓમાં સ્થિતિ ખરાબ : લખનૌમાં લોકડાઉન લાદવું પડે તેવી સ્થિતિ :લખનૌના મોહનલાલ ગંજથી ભાજપના સાંસદે કહ્યું -કોરોના બેકાબુ છે,હજારો પરિવારો ઝપટે ચડ્યા છે,સ્મશાનમાં લાશોના ઢગલા છે,ત્યારે ચૂંટણી નહીં લોકોના જીવ બચાવવા જરૂરી છે access_time 1:13 am IST