Gujarati News

Gujarati News

News of Wednesday, 14th April 2021

ગુજરાત બેંક વર્કર્સ યુનિયન દ્વારા રાજ્યના મુખ્ય સચિવને પત્ર

બેંક કર્મચારીઓની સલામતી માટે સરકાર માર્ગદર્શિકા જારી કરે : કામકાજના કલાકો ૧૦ થી ૨ રાખે

બિઝનેસ અવર્સ પછી કર્મચારીને ઘરે જવા છુટ મળવી જોઇએ

રાજકોટ તા. ૧૪ : ગુજરાત બેંક વર્કર્સ યુનિયનના મહામંત્રી કે.પી.અંતાણીએ ગુજરાત સરકારના મુખ્ય સચિવને એક પત્ર લખી કોરોનાકાળમાં પોતાની ફરજ બજાવી રહેલા બેંક કામદારોને ચેપ લાગવાનું જોખમ હોવાનું જણાવી બેંક ચલાવવા માટેની અલગ માર્ગદર્શિકા બહાર પાડવાની માંગણી કરી છે. જેમાં બેંકોના કામકાજનો સમય ૧૦ થી ૨નો કરવા સહિતની બાબતોનો સમાવેશ કરવા જણાવ્યું છે.

તેમણે જણાવ્યું છે કે, છેલ્લા ૧ વર્ષથી બેંક કામદારો કોરોના વોરીયર્સ તરીકે ફરજ બજાવી રહ્યા છે જે દરમિયાન ગુજરાતમાં ૧૨૦૦૦ જેટલા કર્મચારીએ કોરોનાનો શિકાર બન્યા છે તેથી હવે એવા પગલાની જરૂર છે કે જેમાં બેંક કામદારોની સલામતી અને તંદુરસ્તી જળવાય રહે.

તેઓએ જણાવ્યું છે કે, બીઝનેસ આવર્સ (કામકાજના કલાકો) પુરા થયા બાદ કર્મચારીને ઘરે જવા મંજુરી મળવી જોઇએ, બેંકોમાં પણ ૫૦% સ્ટાફ સાથે કામકાજ થવું જોઇએ એટલું જ નહિ જો કોઇ કર્મચારીને કોરોના થાય તો બેંક ૪૮ કલાક માટે બંધ કરવી એટલું જ નહિ તમામ બેંકોમાં થર્મલ ગન, સેનેટાઇઝર વગેરેની વ્યવસ્થા થવી જોઇએ.

તેઓએ એવી વિનંતી પણ કરી છે કે ગર્ભવતી મહિલા કર્મચારીઓ તથા દિવ્યાંગ કર્મચારીઓને ઓફિસે આવવાથી છુટ મળવી જોઇએ.

(11:42 am IST)
  • કાલે ઉત્તર પ્રદેશમાં પંચાયત ચૂંટણીનું પ્રથમ તબક્કાનું મતદાન : રાજ્ય ચૂંટણી આયોગના આંકડા મુજબ 18 જિલ્લામાં 51176 પોલિંગ બુથ પર મતદાન : 18 જિલ્લાના 31,64,162 મતદારો સવારે 7 થી સાંજે 6 દરમિયાન પોતાના મતાધિકારનો કરશે ઉપયોગ : અયોધ્યા, આગ્રા, કાનપુર, ગાઝિયાબાદ અને ગોરખપુરમાં થશે મતદાન access_time 12:39 am IST

  • દેશમાં કોરોનાના કેસમાં ભયાનક ઉછાળો : પહેલીવાર મૃત્યુઆંક 1 હજારથી વધુ : એક્ટિવ કેસમાં ધરખમ વધારો : રોજ નવા રેકોર્ડ સર્જતાં કેસથી ભારે ફફડાટ : રાત્રે 12 વાગ્યા સુધીમાં કોરોનાના નવા 1,85,104 કેસ નોંધાયા :કુલ કેસની સંખ્યા 1,38,71,321 થઇ :એક્ટિવ કેસ 13,60,867 થયા : વધુ 82,231 દર્દીઓ સ્વસ્થ થતા કુલ 1,23,32,688 સાજા થયા :વધુ 1026 લોકોના મોત સાથે કુલ મૃત્યુઆંક 1,72,115 થયો : દેશમાં મહારાષ્ટ્રમાં સૌથી વધુ 60,212 નવા કેસ નોંધાયા છે જયારે ઉત્તર પ્રદેશમાં 17,963 કેસ, છત્તીસગઢમાં 15,121 કેસ, દિલ્હીમાં 13,468 કેસ અને કર્ણાટકમાં 8778 કેસ નોંધાયા access_time 12:45 am IST

  • કુંભ મેળો ચાલુ રાખવો કે બંધ? મીટીંગનો ધમધમાટ : હરિદ્વારમાં ચાલી રહેલ કુંભમેળામાં સંખ્યાબંધ ભાવિકોને કોરોના વળગતા કેન્દ્ર સરકાર અને ઉત્તરાખંડ સરકાર વચ્ચે કુંભ મેળો ચાલુ રાખવો કે બંધ કરવો તે અંગે ઘનિષ્ઠ ચર્ચા - વિચારણા આ લખાય છે ત્યારે ચાલી રહી છે : મોડી સાંજ સુધીમાં કુંભ મેળા અંગેનો અંતિમ નિર્ણય લેવાઈ જશે તેમ જાણવા મળે છે access_time 5:07 pm IST