Gujarati News

Gujarati News

News of Sunday, 14th April 2019

સ્થળ તપાસમાં ખામી હશે તો GST રજિસ્ટ્રેશન રદ કરાશે

ટેક્સ ચોરીને ડામવા જીએસટી વિભાગનો નિર્ણય : જીએસટી રજિસ્ટ્રેશન વેળાના સંબંધિત સ્થળની ચકાસણી

અમદાવાદ,તા. ૧૩ : ગુડ્સ એન્ડ સર્વિસટેક્સ (જીએસટી)માં રહેલી નાની-નાની ક્ષતિઓને શોધી કાઢીને ભેજાબાજો ટેક્સચોરીમાં તેનો ભરપૂર ફાયદો ઉઠાવી રહ્યા હોવાનું જીએસટી વિભાગના ધ્યાને આવ્યું હતું. આવો ફાયદો ઉઠાવીને ભેજાબાજો કરોડો રૂપિયાનો કર ગજવામાં સેરવી રહ્યા છે. આવા લોકોને ઝડપી લેવા માટે જીએસટી વિભાગ પણ કેટલીક બાબતો ધ્યાને આવતાં તેમાં સુધારા-વધારા કરી રહ્યું છે. જીએસટી અધિકારીઓ દ્વારા વેપારીઓના સ્થળ તપાસ દરમ્યાન જો વિસંગતતાઓ પુરવાર થશે તો, જીએસટી રજિસ્ટ્રેશન રદ કરવામાં આવશે. તાજેતરમાં જ વિભાગ દ્વારા પેઢીઓની ચકાસણીના આદેશ કરવામાં આવ્યા છે. કરચોરી માટે શંકાસ્પદ લગતી પેઢીઓ પર તંત્ર નજર રાખી રહ્યું છે. આવી ચકાસણીમાં જો કોઈ વિસંગતતા દેખાશે તો વિભાગ દ્વારા જે તે પેઢીનું રજિસ્ટ્રેશન રદ કરી દેવાનાં આકરાં પગલાં લેવાનો વિભાગે નિર્ણય કર્યો છે. જીએસટી અમલી બન્યો ત્યારે રજિસ્ટ્રેશન પ્રક્રિયામાં ઇન્સ્પેક્ટર રાજનો યુગ ખતમ કરવાના હેતુથી ધંધાની રજિસ્ટ્રેશન પ્રક્રિયા ઓનલાઇન બનાવવામાં આવી હતી અને જીએસટી નંબર પણ ઓનલાઇન આપવામાં આવે તેવી વ્યવસ્થા કરાઈ હતી, પરંતુ ભેજાબાજો દ્વારા કોઈકના દસ્તાવેજોના આધારે ધંધાની પેઢીનું રજિસ્ટ્રેશન કરાવીને બોગસ બિલિંગ કેટલીક પેઢીઓ કરી રહી હોવાનું વિભાગના ધ્યાને આવ્યું હતું. તેથી હવે આ પ્રવૃત્તિને નાથવા માટે જીએસટી રજિસ્ટ્રેશન કરાવ્યાં હોય તે વખતે જે સ્થળ દર્શાવવામાં આવ્યું હોય તેની ચકાસણી કરવામાં આવી રહી છે. પેઢીની ચકાસણી દરમિયાન પેઢીના દસ્તાવેજો અને સ્થળ અંગેની કોઈ વિસંગતતા જો વિભાગના ધ્યાને આવશે તો પેઢીનું રજિસ્ટ્રેશન રદ કરી દેવામાં આવશે. સ્થળ ચકાસણી માટે જે અધિકારીઓ સ્થળ પર જશે તે અધિકારી કે કર્મચારીએ સ્થળ તપાસનો રિપોર્ટ ત્રણ દિવસમાં પોર્ટલ ઉપર અપલોડ કરી દેવો પડશે. દરેક પેઢીની ફરજિયાત ચકાસણી કરવાની કામગીરી શરૂ કરી દેવામાં આવી છે.  અધિકારીને જીએસટી રજિસ્ટ્રેશન અંગે કોઈ શંકા જન્મે તો તેને પહેલાંથી જ ડામી દેવામાં આવશે. અત્યાર સુધી ઓનલાઈન રજિસ્ટ્રેશનથી જીએસટી રજિસ્ટ્રેશન મળી જતું હતું. હવે તેમાં સ્થળ ચકાસણી ફરજિયાત બનાવાઈ છે. તાંબુ, પિત્તળ, લોખંડ, ભંગાર, તેલ, તેલીબિયાં, સિમેન્ટ, પ્લાયવુડ, સિરામિકના ધધાર્થીઓની સ્થળ ચકાસણી વિભાગના અધિકારીઓ જ કરશે.

(9:34 pm IST)
  • લીબિયાના સંઘર્ષમાં 120થી વધુના મોત :600 લોકો ઘાયલ :ત્રિપોલી નજીક છેડાયેલ લડાઈમાં 121થી વધુ લોકો માર્યા ગયા :લીબિયાની રાજધાની પોતાના કબ્જામાં લેવા ખલીફા હફ્તાર દ્વારા આ મહિને સંઘર્ષ છેડાયેલ access_time 11:10 pm IST

  • માહિતી કમિશનર તરીકે સર્વ શ્રી રમેશ કારિયા, કિરીટ અધ્વર્યુ અને વીરેન્દ્ર પંડ્યાની વરણી થઇ છે access_time 11:39 pm IST

  • શત્રુઘનસિંહાએ ફિલ્મ ઉદ્યોગ પર સીધો હુમલો કર્યો :ચમચા કલ્ચર તરીકે નવાજ્યા :ભારતીય જનતા પક્ષના બળવાખોર સાંસદ અને કોંગ્રેસમાંથી ચૂંટણી લડી રહેલા ફિલ્મ અભિનેતા શત્રુઘ્ન સિંહાએ ફિલ્મ ઇન્ડસ્ટ્રીઝ ઉપર સીધો જ હુમલો કર્યો છે અને તેમને ચમચા કલ્ચર તરીકે નવાજ્યા હતા access_time 11:37 pm IST