Gujarati News

સુરતઃ સુરતના કતારગામ વિસ્તારમાં ચાર કરોડના હીરાનું લૂંટની ઘટનાથી સનસનાટી મચી જવા પામી છે  હીરાના વેપારી પાસેથી રૂપિયા 4 કરોડના હીરાની લૂંટ ચલાવી લૂંટારૂઓ ફરાર થઈ ગયા છે. ફરિયાદીના જણાવ્યા મુજબ પાંચથી 6 શખ્સો બાઈક પર આવ્યા અને તેમની પાસેથી હીરા ભરેલો થેલો આંચકીને ફરાર થઈ ગયા હતા. આ સમગ્ર મામલે પોલીસે ઘટનાસ્થળે પહોંચીને વધુ તપાસ હાથ ધરી છે. પોલીસે ઘટનાના સીસીટીવી પણ કેદ કર્યાં છે. 

  આ અંગે પ્રાપ્ત વિગત અનુસાર હીરાના વેપારી પાસેથી 6 લૂંટારાઓ બાઇક પર આવ્યા હતા અને તે વેપારી પાસેથી હીરાનો થેલો આંચકીને નાશી છૂટ્યા છે. આ સમગ્ર ઘટના સીસીટીવીમાં કેદ થઈ ગઈ છે. પોલીસે આરોપીઓને પકડવા માટે સમગ્ર જિલ્લામાં નાકાબંધી કરી સઘન તપાસ હાથ ધરી છે.