Gujarati News

Gujarati News

News of Wednesday, 14th March 2018

અમદાવાદના નારોલમાં બે બાઈક વચ્ચે અકસ્માતમાં વૃદ્ધ દંપતી ખંડિત

નારોલના ઉમઁગ ફ્લેટમાં રહેતા 62 વર્ષીય ભરતભાઈ ઠાકોરનું મોત :તેમના પત્ની મુન્નીબેન ગંભીર

 

અમદાવાદના નારોલ વિસ્તારમાં બે બાઈકો વચ્ચે અકસ્માત સર્જાતા વૃદ્ધ દંપતી ખંડિત થયું છે વૃદ્ધ દંપત્તિ બાઈક પર રાત્રે ઘરે જઈ રહ્યા હતા ત્યારે નારોલના રંગોલીનગર પાસે અકસ્માત સર્જાયો હતો મળતી વિગત મુજબ નારોલના ઉમંગ ફ્લેટમાં રહેતા ૬૨ વર્ષીય ભરતભાઈ ઠાકોર કલર કામ કરીને પરિવારનુ ગુજરાન ચલાવતા હતા.તેઓ ગઈ રાત્રે પોતાની પત્ની મુન્નીબેન સાથે બાઈક પર બહાર ગયા હતા રાત્રે તેઓ પોતાના ઘરે પરત ફરી રહ્યા હતા ત્યારે નારોલના રંગોલીનગર પાસે એક બાઈક ચાલકે ભરતભાઈની બાઈકને ટક્કર મારી હતી.

બન્ને બાઈક એકબીજા સાથે અથડાતા ભરતભાઈ અને મુન્નીબેન જમીન પર પટકાયા હતા. જેથી ૧૦૮ની મદદથી બન્નેને સારવાર અર્થે હોસ્પિટલ ખસેડાયા હતા. જ્યાં સારવાર દરમિયાન તબીબોએ ભરતભાઈને મૃત જાહેર કર્યા હતા. જ્યારે મુન્નીબેનની ગંભીર હાલતમાં સારવાર ચાલી રહી છે, બીજીબાજુ અન્ય બાઈક ચાલકને પણ ઈજા થતા તેને સારવાર અર્થે હોસ્પિટલ ખસેડાયો હતો. ઘટનાની માહિતી મળતા પોલીસ પણ ઘટના સ્થળે દોડી આવી હતી. પોલીસે ભરતભાઈના મૃતદેહને પોસ્ટમોર્ટમ અર્થે ખસેડીને સમગ્ર મામલે વધુ તપાસ હાથ ધરી છે.

(12:33 am IST)
  • તેજસ્વી યાદવનો ધડાકો : ઉત્તરપ્રદેશ અને બિહારમાં દરોડાનો દોર શરૂ થઈ જશે : ઉત્તરપ્રદેશના બિહારના ચૂંટણી પરિણામો બિહારના પૂર્વ ના. મુખ્યમંત્રી તેજસ્વી યાદવે કહ્યુ કે આ વિજય પછી સીબીઆઈ અને ઈડીના દરોડા ઉત્તરપ્રદેશ અને બિહારમાં મોટાપાયે શરૂ કરી દેવામાં આવશે access_time 6:14 pm IST

  • નરેન્દ્રભાઈને પત્ર લખી મળવાનો સમય માગતા તોગડીયા : વિહપીના આંતરરાષ્ઠ્રીય પ્રમુખ ડો. પ્રવિણભાઈ તોગડીગયાએ નરેન્દ્રભાઈને પત્ર લખી મળવાનો સમય માગ્યો છે : પત્રમાં લખ્યુ છે કે આશા રાખુ છુ કે આ પત્રનો સરકારી રાહે જવાબ નહિં આવે, એક વિખૂટો પડેલ મિત્ર ફોન ઉઠાવીને વાત કરીને મળવાનો સમય નક્કી કરશે access_time 6:15 pm IST

  • વિશ્વ બેન્કે ૨૦૧૯ના નાણાકીય વર્ષ માટે ભારતનો જીડીપી વિકાસદર ૭.૩ ટકા રહેશે તેવી જાહેરાત કરી છે access_time 6:07 pm IST