Gujarati News

Gujarati News

News of Wednesday, 14th March 2018

ઇવીએમ એટલે દરેક વોટ મોદી માટેઃ વિધાનસભામાં પ્રદીપસિંહ જાડેજાએ નવો અર્થ સમજાવ્યો

ગાંધીનગરઃ ગુજરાતના ગૃહમંત્રી પ્રદીપ સિંહ જાડેજાએ ઈવીએમનો એક નવો અર્થ સમજાવ્યો છે. મોદી માટે દરેક વોટ (Each vote for modi) જણાવ્યુ છે. જાડેજાનું માનવુ છે કે ગુજરાતની જનતા EVMનો આ અર્થ જાણે છે અને આજ કારણોસર તેમણે ભાજપને વોટ આપ્યો છે. જાડેજાએ ગુજરાતના ચૂંટણી પંચ અને માહિતી પ્રસારણ વિભાગના મતદાતાઓની વચ્ચે જાગૃતતા ફેલાવવા માટે વખાણ પણ કર્યા છે. પ્રદીપ સિંહ જાડેજાએ સોમવારે વિધાનસભામાં માહિતી અને પ્રસારણ વિભાગની 126 કરોડ રૂપિયાના બજેટની માંગણી વિશે વાત કરી રહ્યા હતા. આ દરમિયાન તેમણે કહ્યું કે જ્યારે તમામ લોકો દેશ વિદેશોમાં ગુજરાતને બદનામ કરવામાં લાગેલા હતા ત્યારે માહિતી વિભાગ સમગ્ર રાજનીતિ વિરુદ્ધ વિકાસનો સંદેશ ફેલાવી રહ્યો હતા. 

ગુજરાતને નંબર વન બનાવવામાં માહિતી વિભાગનો મોટુ યોગદાન છે. કળયુગમાં માત્ર સારા થવુ પૂરતુ નથી પરંતુ સારુ કામ કરીને તેને બધાની સામે લાવવું પણ જરૂરી છે. વિભાગે લોકો વચ્ચે જાગૃતતા ફેલાવવા માટે પણ ઘણુ બધુ કર્યું છે અમે સૌએ બધાનું સારુ પરિણામ જોયુ છે. જોકે ઈવીએમ અને વીવીપેટને લઈને વિપક્ષે ઘણા પ્રશ્ન પણ ઉઠાવ્યા પરંતુ વિભાગે લોકોની વચ્ચે જાગૃતતા ફેલાવવા માટે સફળતા મેળવી છે. જાડેજાએ એક બાદ એક વિભાગના વખાણોના પુલ બાંધતા કહ્યું કે બજેટ નાનું હોય તો પણ માહિતી વિભાગે સમગ્ર દુનિયાની સામે ગુજરાતની ઘણી બ્રાન્ડ ઈમેજ તૈયાર કરી છે. જાડેજાએ વિપક્ષ પર પણ નિશાન સાધ્યુ છે. કોંગ્રેસ નેતા મંદિરોમાં માત્ર તસવીરો ખેંચાવવા માટે જાય છે. જનતાએ ભાજપ અને કોંગ્રેસને ઓળખી લીધી છે. આ કારણથી છેલ્લા 22 વર્ષોમાં ભાજપને સત્તામાં લાવી રહ્યા છે.

(4:53 pm IST)
  • મોરબીમાં ખાનગી શાળામાં પરિક્ષા આપી રહેલ વિદ્યાર્થીની બેભાન બની જતાં ૧૦૮ દ્વારા ટૂકી સારવાર અપાઈ બાદમાં પરીક્ષા ખંડમાં પરીક્ષા દેવા માટે બેસાડવામાં આવી access_time 5:14 pm IST

  • નરેન્દ્રભાઈને પત્ર લખી મળવાનો સમય માગતા તોગડીયા : વિહપીના આંતરરાષ્ઠ્રીય પ્રમુખ ડો. પ્રવિણભાઈ તોગડીગયાએ નરેન્દ્રભાઈને પત્ર લખી મળવાનો સમય માગ્યો છે : પત્રમાં લખ્યુ છે કે આશા રાખુ છુ કે આ પત્રનો સરકારી રાહે જવાબ નહિં આવે, એક વિખૂટો પડેલ મિત્ર ફોન ઉઠાવીને વાત કરીને મળવાનો સમય નક્કી કરશે access_time 6:15 pm IST

  • રશિયાની હોસ્ટેલમાં ગુજરાતના વાળંદ પરીવારના વિદ્યાર્થીનું કરૂણ મૃત્યુઃ આઘાત : મહીસાગર જિલ્લાનાં રમેશભાઈ વાળંદના પુત્ર ક્રિસ્ટલનું ૧૧મીએ રશિયાની હોસ્ટેલમાં કરૂણ મોત : તેનો મૃતદેહ ૧૬મીએ તેના વતન ''બાકોર'' લાવવામાં આવશે : ક્રિસ્ટલના પિતા રમેશભાઈ સોમાભાઈ વાળંદ લશ્કરમાં ફરજ બજાવતા હતા, પુત્રના મૃતદેહને ભારત લાવવા ભારે પ્રયાસો કરવા પડ્યા હતા access_time 6:14 pm IST