Gujarati News

Gujarati News

News of Friday, 14th February 2020

એરફોર્સ વન સહિતના કુલ ૮ વિમાનો અમદાવાદ પહોંચશે

બે વિમાનો એડવાન્સમાં પહોંચવાની તૈયારીમાં : કાર્ગો વિમાનોનો ઉપયોગ અમેરિકાના પ્રમુખ ડોનાલ્ડ ટ્રમ્પની કાર માટે થયો : રિપોર્ટ

અમદાવાદ, તા. ૧૪ : અમેરિકાના પ્રમુખ ડોનાલ્ડ ટ્રમ્પ અમદાવાદના મહેમાન બનવા ઉત્સુક બન્યા છે ત્યારે અભૂતપૂર્વ તૈયારીઓ ચાલી રહી છે. બીજી બાજુ અમદાવાદમાં સરદાર પટેલ આંતરરાષ્ટ્રીય વિમાની મથકે પણ તમામ તૈયારીઓ કરવામાં આવી રહી છે. અમેરિકી પ્રમુખના એરફોર્સ વનની સાથે અન્ય સાત અમેરિકી વિમાનો પણ પહોંચનાર છે. અમદાવાદમાં બપોરની આસપાસ આ વિમાનો પહોંચી જશે. અમેરિકી પ્રમુખ ડોનાલ્ડ ટ્રમ્પના એરફોર્સ વન બોઇંગ ૭૪૭ વિમાનમાં અનેક વિશેષતાઓ રહેલી છે. અમેરિકી પ્રમુખની સાથે સાથે તેમના પત્નિ પણ આવી રહ્યા છે. સુત્રોએ માહિતી આપતા કહ્યું છે કે, અમદાવાદ વિમાની મથકે કુલ ૮ વિમાનો પહોંચશે જેમાં એરફોર્સ વન સહિત બે બોઇંગ ૭૪૭ સામેલ છે. છ કાર્ગો વિમાનો રહેશે. આ કાર્ગો વિમાનોનો ઉપયોગ કાર માટે કરવામાં આવ્યો છે.

            આ કારનો ઉપયોગ અમેરિકી પ્રમુખ દ્વારા કરવામાં આવનાર છે. અન્ય લોજિસ્ટિક સપોર્ટ માટે પણ આ કાર્ગોનો ઉપયોગ કરાયો છે. અન્ય સામગ્રી માટે પણ આ વિમાનનો ઉપયોગ કરાયો છે. છ કાર્ગો વિમાનોમાં ગ્લોબમાસ્ટર અને હરક્યુલેસ કાર્ગો વિમાનોનો સમાવેશ થાય છે. હરક્યુલેસ વિમાનનો ઉપયોગ પણ જુદા જુદા ઉપયોગ માટે થનાર છે. ચાર કાર્ગો વિમાન એડવાન્સમાં પહોંચશે જ્યારે બાકીના વિમાનો ૨૪મી ફેબ્રુઆરીના દિવસે બે પેસેન્જર વિમાન સાથે પહોંચશે. અમેરિકી પ્રમુખની સુરક્ષા પર નજર રાખવા અમેરિકી સુરક્ષા સંસ્થાઓ પણ તૈનાત રહેશે. પ્રમુખ જેમાં રોકાશે તે અને અન્ય રુમ અમેરિકી પ્રમુખ અને પ્રથમ મહિલા માટે રહેશે.

(8:43 pm IST)
  • જીત્યા જરૂર છીએ પણ ઈવીએમની વિશ્વસનીયતા ઉપર ચોક્કસ સવાલ છે : જે દેશમાંથી ઈવીએમ મશીન આવે છે તે દેશમાં ખુદ બેલેટ પેપરથી મતદાન થાય છે : ભાજપએ ચૂંટણીના અંતિમ દિવસ સુધી લોકોને ગંગાજળના કસમ ખવડાવી હિન્દુત્વની રાજનીતિ અપનાવી હતી : આમ આદમી પાર્ટીના ધારાસભ્ય સૌરભ ભારદ્વાજ access_time 7:46 pm IST

  • આવતીકાલ 14 ફેબ્રુઆરીના રોજ પૂર્વ વિદેશ મંત્રી સુષ્મા સ્વરાજના જન્મદિવસ નિમિતે સરકારની ભેટ : પ્રવાસી ભારતીય ભવનનું નામ સુષ્મા સ્વરાજ ભવન રાખ્યું : વિદેશ સેવા સંસ્થાનનું નામ સુષ્મા સ્વરાજ વિદેશ સેવા સંસ્થાન રાખ્યું : બંને ભવનો ઉપર બોર્ડ લગાવાઈ ગયા access_time 8:05 pm IST

  • હું મહારાષ્ટ્રની બહાર જવા માંગતો નથી : નોકરી આડે 2 વર્ષ બાકી છે તે દરમિયાન અન્ય રાજ્યમાં બદલી થતાં બોમ્બે હાઇકોર્ટ જજ શ્રી ધર્માધિકારીનું રાજીનામુ : રાષ્ટ્રપતિ દ્વારા મંજુર થવાનું બાકી access_time 8:06 pm IST