Gujarati News

Gujarati News

News of Friday, 14th February 2020

સાસરિયાના ત્રાસથી કંટાળી લગ્નના એક જ વર્ષમાં કાપોદ્રાની પરિણીતાએ ફાસો ખાઈ જીવન ટુંકાવતા સાસરિયા વિરુદ્ધ ગુનો દાખલ

સુરત: શહેરમાં સાસરીયાઓ નાનીનાની વાતોમાં ભૂલ કાઢતા હોય અને પૂછયા વિના પૈસા કાઢી લે છે તેવા આક્ષેપ કરતા હોય લગ્નના એક વર્ષમાં કાપોદ્રા વિસ્તારમાં પરિણીતાએ ગળેફાંસો ખાઈ આત્મહત્યા કરી લીધી હતી. પોલીસે પરિણીતાના પિતાની ફરિયાદના આધારે તેના પતિસાસુસસરા વિરુદ્ધ આત્મહત્યાની દુષ્પ્રેરણાનો ગુનો નોંધી તપાસ શરૃ કરી છે.

પોલીસ સૂત્રો દ્વારા પ્રાપ્ત થતી વિગતો મુજબ સુરતના કાપોદ્રા ખોડિયાર નગર રોડ ખોડિયાર નગર સોસાયટી મકાન નં.25 માં રહેતા અને આકટેક્ટ તરીકે કામ કરતા ચેતન ભરતભાઈ વનરાની પત્ની શ્રદ્ધા (ઉ.વ.25) એ ગત મંગળવારે સાંજે પોતાના રૃમમાં ગળેફાંસો ખાઈ આત્મહત્યા કરી લીધી હતી. માત્ર એક વર્ષ અગાઉ લગ્ન કરનાર શ્રદ્ધાને પતિ ચેતન, સાસુ લાભુબેન અને સસરા ભરતભાઈએ શરૃઆતના છ માસ સારી રીતે રાખી હતી. પરંતુ બાદમાં નાનીનાની વાતોમાં ભૂલ કાઢતા હતા અને પૂછયા વિના પૈસા કાઢી લે છે તેવા આક્ષેપ કરતા હતા. આ મામલે ત્રાસ આપી તેઓ તું કરિયાવરમાં કશું લાવી નથી તો એક્ટીવા તારા પપ્પા પાસેથી લઇ આવ તેમ પણ કહેતા હતા. સાસરીયાઓના ત્રાસથી કંટાળેલી શ્રદ્ધાએ પિયરમાં વાત કરી સાસરે નહીં જાઉં તેમ કહ્યું હતું. પરંતુ તેને સમજાવી સાસરે મોકલી હતી.

(5:09 pm IST)
  • જમ્મુ કાશ્મીરની સ્થિતિ બિલકુલ નોર્મલ છે : જેને જવું હોય તે સપરિવાર જઈ શકે છે : યશવંત સિંહા અને અરુણ શૌરી પણ જઈ આવ્યા છે : ગૃહમંત્રી અમિત શાહ access_time 9:05 pm IST

  • હું મહારાષ્ટ્રની બહાર જવા માંગતો નથી : નોકરી આડે 2 વર્ષ બાકી છે તે દરમિયાન અન્ય રાજ્યમાં બદલી થતાં બોમ્બે હાઇકોર્ટ જજ શ્રી ધર્માધિકારીનું રાજીનામુ : રાષ્ટ્રપતિ દ્વારા મંજુર થવાનું બાકી access_time 8:06 pm IST

  • વડાપ્રધાન વારાણસી આવવાના હોવાથી સફાઈ કરી રહેલા કર્મચારીને કારે ટક્કર મારી : સ્થળ ઉપર જ મોત : કાર ચાલક રફુચક્કર : રસ્તા ચક્કાજામ : 16 ફેબ્રુઆરીના રોજ વડાપ્રધાનના આગમન પહેલા કરૂણ બનાવ : સફાઈ કર્મચારીઓએ મૃતદેહ સ્વીકારવાનો ઇન્કાર કર્યો : મૃતકના પરિવાર માટે વળતર માગ્યું : આરોપીને સજા કરાવવા માંગણી કરી access_time 7:28 pm IST