Gujarati News

Gujarati News

News of Thursday, 14th January 2021

અમદાવાદના ઘાટલોડિયામાં નિવૃત વૃધ્ધે પાંચમા માળે શરીરે આગ ચાંપી પડતું મુકતા અરેરાટી

અમદાવાદ:ઘાટલોડીયામાં રહેતા અને બીએસએનએલમાંથી નિવૃત થયેલા ૬૨ વર્ષના વૃધ્ધે પોતાના પાંચમા માળે શરીરે આગ ચાંપી દીધી હતી બાદમાં તેમણે ઉપરથી પડતુ મુકીને આપઘાત કરી લીધો હતો. ડાયાબિટીશ અને બ્લડપ્રેશરની બિમારીથી કંટાળીને તેમણે પગલું ભર્યું હોવાની શંકાને આધારે ઘાટલોડીયા પોલીસે તપાસ હાથ ધરી છે.

ઘાટલોડીયામાં જ્ઞાાનજ્યોત સ્કુલ પાસે સમર્પણ ટાવરમાં પાંચમા માળે રહેતા જયપ્રકાશ શેખરન કોડીયાર(૬૨) બીએસએનએલમાં ફરજ બજાવતા હતા અને હાલ નિવૃત જીવન ગાળતા હતા. તેમની સાથે તેમના પત્ની જયશ્રીબહેન(૬૨) રહેતા હતા. જ્યારે તેમની એક દિકરી વિદેશમાં અને એક દિકરી અમદાવાદમાં રહે છે.

તેમના પત્ની જયશ્રીબહેનની તબિયત સારી હોવાથી જયપ્રકાશે તેમને બ્રેડ અને આમલેટ બનાવીને આપી હતી. બાદમાં જયશ્રીબહેન તેમના બેડરૃમમાં સુવા માટે જતા રહ્યા હતા. જ્યારે જયપ્રકાશ ટીવી જોઈ રહ્યા હતા. દરમિયાન ૧૩ જાન્યુઆરી ૨૦૨૧ના રોજ વહેલી સવારે તેમણે તેમના ફ્લેટની બાલ્કનીમાં જઈને શરીર પર કેરોસીન છાંટીને આગ ચાંપી દીધી હતી. બાદમાં તેમણે પાંચમાં માળની બાલ્કનીમાંથી પડતુ મુક્યું હતું. જેમાં તેમને ગંભીર ઈજા થતા તેમનું મોત નીપજ્યું હતું. અંગે પોલીસને જાણ કરાતા ઘાટલોડીયા પોલીસ ઘટનાસ્થલે આવી પહોંચી હતી. તપાસમાં ઘરમાંથી મલયાલમ ભાષામાં લખેલી ચિઠ્ઠી મળી આવી હતી. જેમાં તેમણે હું મારી મરજીથી આપઘાત કરૃ છું અને તેના માટે કોઈ જવાબદાર નથી, એમ લખ્યું હોવાનું તેમના પત્ની જયસ્રીબહેને પોલીસને જણાવ્યું હતું.

(4:29 pm IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST

  • દિલ્હીના ભાજપ સાંસદ હંસરાજ હંસ વિરુદ્ધ કોર્ટ કેસ : ચૂંટણી સમયે કરેલી એફિડેવિટમાં પોતાના શિક્ષણ અને બાકી ટેક્સ અંગે ખોટો માહિતી આપી : કોંગ્રેસના પરાજિત ઉમેદવાર રાજેશ લીલોઠીયાનો આક્ષેપ : 18 જાન્યુઆરીના રોજ સુનાવણી access_time 1:50 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST