Gujarati News

Gujarati News

News of Thursday, 14th January 2021

રાજ્યમાં ઉત્તરાયણ પર્વે બપોરે 1 વાગ્યા સુધીમાં પતંગ-દોરીને કારણે દુર્ઘટનાના 61 કેસ નોંધાયા

અમદાવાદમાં મકરસંક્રાતિએ 5ના ગળા કપાયા, ઇમરજન્સીના 1205 કેસ

અમદાવાદઃ રાજ્યમાં ગુરુવારે ઉત્તરાયણના પર્વમાં બપોરે 1 વાગ્યા સુધીનાં પતંગ-દોરીથઇ દુર્ઘટનાના 61 કેસ નોંધાઇ ગયા.

દર વર્ષની જેમ વર્ષે પણ ઉત્તરાયણ નિમિતે પડી જવાની અને પતંગની દોરીથી માથું કે ગળું કપાઈ જવાની ઘટનાઓ સામે આવી છે. રાજ્યમાં બપોરના 12 વાગ્યા સુધીમાં પતંગને લગતા 38 ઇમરજન્સી કેસ નોંધાઈ ચુક્યા છે.

અમદાવાદ દુર્ઘટનાના 7 બનાવો નોંધાયા

અમદાવાદમાં ઉત્તરાયણના પર્વ નિમિત્તે બપોરના 12 વાગ્યે સુધીમાં 7 દુર્ઘટનાના બનાવ બન્યા છે. જેમાં 5 વ્યક્તિના ગળા કપાઈ જવાના અને બે વ્યક્તિઓના પડી જવાની ઘટના બની છે. રાજ્યમાં 14મી જાન્યુઆરીના 12 વાગ્યા સુધીમાં ઇમરજન્સીના 1205 કેસ નોંધાયા.

ગત વર્ષ કરતા બપોર સુધી ઓછા કેસ

જોકે ગત વર્ષની સરખામણીએ વર્ષે ઉત્તરાયણના દિવસે બપોરના 12 વાગ્યા સુધીમાં ઓછા ઇમરજન્સી કેસ નોંધાયા છે. રાજ્યમાં 14મી જાન્યુઆરીના 12 વાગ્યા સુધીમાં ઇમરજન્સીના 1057 કેસ નોંધાઈ ચુક્યા છે.

55 વર્ષીય અધેડનું દોરીથી ગળું કપાયું

વસ્ત્રાલ રિંગ રોડ પાસે 55 વર્ષીય કનૈયાલાલ પટેલનું પતંગની દોરીથી ગળું કપાઈ જતાં તેમને સારવાર માટે વસ્ત્રાલના સ્પનદાન હોસ્પિટલમાં લઈ જવામાં આવ્યા છે.

જુહાપુરા આઇસ ફેકટરી રોડ પર પતંગની દોરી આવી જતાં પડી જવાથી 29 વર્ષીય વિશાલ ગોસાઈને સારવાર માટે જીવરાજ મહેતા હોસ્પિટલમાં ખસેડવામાં આવ્યા છે.

વસ્ત્રાલ ન્યુ RTO રોડ પાસે 45 વર્ષીય ચેતન મોદીનું પતંગની દોરીથી ગળું કપાઈ જતાં તેમને સારવાર માટે વસ્ત્રાલના અવધ હોસ્પિટલમાં દાખલ કરવામાં આવ્યા છે.

7 વર્ષીય બાળક ગાડી સાથે અથડાયું

ચાંદખેડા વિસ્તારમાં પતંગ રોડ પર પતંગ લૂંટવાના ચક્કરમાં અકસ્માત થતાં 7 વર્ષીય સુભાષ ડામોરને 4 વહીલર સાથે અકસ્માત થતાં માથામાં ઇજા થતાં સારવાર માટે અસારવા સિવિલ હોસ્પિટલ લઈ જવામાં આવ્યા છે.

ઉત્તરાયણના દિવસે થતાં અકસ્માત અને દુર્ઘટનાને પહોંચી વળવા માટે GVK – EMRI 108 દ્વારા રાજ્યમાં 622 જેટલી એમબ્યુલન્સ કાર્યરત રાખવામાં આવી છે.

(4:26 pm IST)
  • સીબીઆઈના ઓફિસરો ઉપર ખુદ CBI તૂટી પડી : સીબીઆઈ ઓફિસરો ઉપર સંખ્યાબંધ જગ્યાએ સીબીઆઈએ ખુદે દરોડા પાડયાના અહેવાલ મળી રહ્યા છે. ન્યુઝ ફર્સ્ટના અહેવાલ મુજબ વિગતો સત્તાવાર મેળવાઈ રહી છે. access_time 4:19 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • જાણીતા સમાજસેવી અન્ના હજારે ખેડૂતોના સમર્થનમાં ભૂખ હડતાલ કરશે : જાન્યુઆરીના અંત સુધીમાં કૃષિ કાયદાનો કોઈ ઉકેલ નહીં આવે તો ભૂખ હડતાલ કરશે : વડાપ્રધાન મોદીને લખ્યો પત્ર access_time 11:41 pm IST