Gujarati News

Gujarati News

News of Thursday, 14th January 2021

રાજપીપળા વોર્ડ નં.૪ માં મુખ્ય માર્ગ ઉપર પાણીની મુખ્ય લાઈનમાં લીકેજથી રાહદારીઓ અને રહીશો હેરાન

(ભરત શાહ દ્વારા)રાજપીપળા : રાજપીપળા નગર પાલિકાના ખોખલા વહીવટ ઉપર અનેક સવાલો ઉભા થયા છે જેમાં પાણી,સફાઈ સહિતની પાયાની સુવિધાઓ આપવામાં પાલિકા તંત્ર તદ્દન નિષ્ફળ ગયું હોવાની વારંવાર બુમો ઉઠે છે ત્યારે નગરપાલિકાના આવા વહીવટથી પ્રજામાં ભારે રોષ જોવા મળ્યો છે.

 રાજપીપળા ના ભાટવાડા વિસ્તારમાં સામ્રાજ્ય કોમ્પલેક્ષ પાસે મુખ્ય માર્ગ ઉપર પાણીની લાઈનમાં ભંગાણ હોવાથી પાણી  રોડ ઉપર વહ્યા કરે છે ત્યાં પાસેજ ગટર પણ ખરાબ હાલત માં છે આજ વિસ્તારમાં પાણીની લાઈનનો વાલ્વ પણ લીકેજ હોય આ લીકેજના કારણે રસ્તા ઉપર ભુવા પડી જાય છે અને તેમાં પાણી ભરાઈ રહેતા મચ્છરોનો ઉપદ્રવ થાય છે સાથે સાથે વાહન ચાલકોને પણ તકલીફ ઊભી થાય છે ઉપરાંત આસપાસના દુકાનો અને મકાનોમાં પાણીના છાંટા ઉડતા ક્યારે મગજમારી પણ થાય છે માટે આ વિસ્તારમાં સત્વરે પાલિકા દ્વારા પાણીની લીકેજ લાઈન રીપેર થાય અને માર્ગ પરના ભુવાની મરામત કરાઈ તેવી સ્થાનિકોની માંગ છે.

(12:12 am IST)
  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST

  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST

  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST