Gujarati News

Gujarati News

News of Thursday, 14th January 2021

રાજ્યમાં સ્થાનિક સ્વરાજ્યની ચૂંટણીમાં ઔવૈસીનો પતંગ કેટલો ચગશે ? : માલપુરમાં ઓવૈસીના પતંગોની માગ

AIMIMનો ચૂંટણી સિંબોલ પતંગ: ઉત્તરાયણનો તહેવાર હોવાથી AIMIMની પતંગ પણ બજારમાં :જમાલપુરમાં અસદુદ્દીનની પાર્ટીની વિશાળકાય 32 ફૂટની પતંગ

અમદાવાદ: લોકસભાના સાંસદ અસદુદ્દીન ઔવૈસીની પાર્ટી ઓલ ઇન્ડિયા મજલિસે ઇત્તેહાદુલ મુસલિમિન (AIMIM) ગુજરાતમાં સ્થાનિક સ્વારાજ્યની ચૂંટણીમાં પોતાના ઉમેદવાર ઉતારવાની જાહેરાત કરી દીધી છે. તેના માટે તૈયારીઓ પણ શરૂ થઇ ગઇ છે. હવે સ્થાનિક સ્વારાજ્યની ચૂંટણી પહેલા અસદુદ્દીન પાર્ટીનો પતંગ આકાશમાં દેખાશે. હવે જોવાનું રહ્યું કે આ પતંગ કેટલી ઉંચાઇએ જશે

ગુજરાતમાં અસદુદ્દીન ઔવૈસીની પાર્ટી AIMIM મનસુખ વસાવાની પાર્ટી BTP સાથે સ્થાનિક સ્વરાજ્યની ચૂંટણી લડવાની જાહેરાત કરી છે. ત્યારે ઉત્તરાયણનો તહેવાર હોવાથી AIMIMની પતંગ પણ બજારમાં આવ્યો છે. અમદાવાદના જમાલપુરમાં અસદુદ્દીનની પાર્ટીની વિશાળકાય 32 ફૂટની પતંગ બનાવવામાં આવી છે. આ પતંગ અમદાવાદમાં ચર્ચાનો વિષય બન્યો છે. આ ઉપરાંત નાની પતંગ પણ બજારમાં ઉપલબ્ધ છે. મહત્વપૂર્ણ છે કે AIMIMનો ચૂંટણી સિંબોલ પતંગ છે.

ગુજરાતમાં ઉત્તરાયણના અવસરે ખૂબ જ પતંગ ચગાવવામાં આવે છે. દર વર્ષે પતંગબાજી દ્વારા રાજકીય પક્ષો અને રાજકારણીઓના પતંગ બજારમાં આવે છે, પરંતુ આ પ્રથમ વખતે છે કે ભાજપ અને કોંગ્રેસને છોડી આ વખતે ભારતીય ટ્રાઇબલ પાર્ટી (BTP) સાથે ગઠબંધન કરી ગુજરાતના ચૂંટણી મેદાનમાં ઉતરનારી AIMIM પતંગ પણ આકાશમાં ઉડશે. હવે એ જોવાનું રસપ્રદ રહેશે કે આ પતંગ કેટલી ઉંચાઇ સુધી ઉડશે

 

ગુજરાતમાં ચૂંટણીનો માહોલ જામ્યો છે. રાજ્યમાં સ્થાનિક સ્વરાજ્યની ચૂંટણી માટે ભાજપ-કોંગ્રેસ પૂરજોશમાં તૈયારી કરી રહી છે. ત્યારે આમ આદમી પાર્ટી (AAP) પણ ગુજરાતના ચૂંટણી મેદાને આવી છે. AAPએ પોતાના ઉમેદવારની જાહેરાત કરી દીધી છે. જ્યારે BTP-AIMIM ગઠબંધન કરી રાજ્યમાં ચૂંટણી મેદાને ઉતરશે. જેથી કોંગ્રેસના પરંપરાગત મુસ્લિમ વોટ AIMIMને જવાની શક્યતા છે. રાજકીય નિષ્ણાંતોનું કહેવુ છે કે AAP અને AIMIM ગુજરાતની સ્થાનિક સ્વરાજ્યની ચૂંટણીમાં કોંગ્રેસના વોટબેંકમાં ગાબળું પાડશે. Ahmedabad AIMIM Kite

ઉલ્લેખનીય છે કે રાજ્યમાં સ્થાનિક સ્વરાજ્યની ચૂંટણી નવેમ્બર મહિનામાં થવાની હતી, પરંતુ કોરોના મહામારીના કારણે ચૂંટણી 3 પાછળ ઠેલાવવામાં આવી હતી. હવે ટૂંક સમયમાં સ્થાનિક સ્વરાજ્યની ચૂંટણીની જાહેરાત થવાની શક્યતા છે અને ફેબ્રુઆરી મહિનામાં ચૂંટણી યોજાઇ શકે છે.

(11:49 pm IST)
  • બર્ડ ફ્લુમાં કચ્છને મળી રાહત : જિલ્લામાંથી કુલ ૩ સેમ્પલ ભોપાલ લેબોરેટરીમાં મોકલાયા હતા તમામ રિપોર્ટ આવ્યા નેગેટિવ જિલ્લા પશુપાલન વિભાગ દ્વારા અપાઈ માહિતી access_time 4:39 pm IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST

  • આગામી શુક્રવાર તા, 15ના રોજ કૌન બનેગા કરોડપતિ કાર્યક્રમમાં કેબીસી કર્મવીર તરીકે કચ્છના હસ્તકલાકાર પાબીબહેન રબારી આવવાના છે,તેઓ પાબીબહેન પર્સવાળા તરીકે પણ જાણીતા છે,કચ્છનું ગૌરવ રાષ્ટ્રીય ફલક પર ઝળકશે access_time 12:52 am IST