Gujarati News

Gujarati News

News of Wednesday, 13th January 2021

અણુમથકમાંથી ૨.૫૫ લાખના કેબલ ડ્રમની ચોરી

ચોરોનો અણુમથકમા પણ હાથ ફેરો

બારડોલી :  સુરત જિલ્લાના માંડવી તાલુકાનાં મોટીચેર ખાતે અણુમથકના ૩ અને ૪ નંબરના પ્લાન્ટના ગેટની અંદરથી અજાણ્યા તસ્કરો ૯ કેબલ ડ્રમ કિંમત રૂ. ૨.૫૫ લાખના મત્તાની ચોરી કરી પલાયન થઈ ગયા હતા. પ્રાપ્ત માહિતી અનુસાર માંડવી તાલુકાનાં મોટીચેર ખાતે અણુમથક ૩ અને ૪ નંબરના પ્લાન્ટના ગેટની અંદરના ભાગે આવેલ સ્ટરલીંગ એન્ડ વ્હીલસન કંપનીના કમ્પાઉન્ડને માલ સામાન મૂકવા ગોડાઉન તરીકે ઉપયોગ કરવામાં આવે છે. આ ગોડાઉનમાં સ્ટરલીંગ એન્ડ વ્હીલસન કંપનીના વાપરવા માટેના વાયરો મૂકવામાં આવ્યા હતા. ત્યાંથી કોઈ અજાણ્યા તસ્કરો સેરવેલ કંપનીના ૫ પેરાનો કેબલ ડ્રમ નંગ-૧ તથા સેરવેલ કંપનીના ૨ કોર કેબલ ડ્રમ નંગ-૮ મળી કુલ કેબલ ડ્રમ નંગ-૯ જેની કિંમત રૂ. ૨.૫૫ લાખના મત્તાની ચોરી કરી પલાયન થઈ ગયા હતા. બનાવ અંગે માંડવી પોલીસે ગુનો નોંધી આગળની કાર્યવાહી હાથ ધરી છે.

(7:57 pm IST)
  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST

  • આગામી શુક્રવાર તા, 15ના રોજ કૌન બનેગા કરોડપતિ કાર્યક્રમમાં કેબીસી કર્મવીર તરીકે કચ્છના હસ્તકલાકાર પાબીબહેન રબારી આવવાના છે,તેઓ પાબીબહેન પર્સવાળા તરીકે પણ જાણીતા છે,કચ્છનું ગૌરવ રાષ્ટ્રીય ફલક પર ઝળકશે access_time 12:52 am IST

  • આ તસવીર અમેરિકાના સંસદ ભવનની છે. દુનિયામાં સૌથી જૂની લોકશાહીનું જે મંદિર ગણાય છે. ૨૦૦ વર્ષમાં જે નહોતું બન્યું, અમેરિકા તે બધામાંથી પસાર થઈ રહ્યું છે. કેપિટલ બિલ્ડીંગ.. સંસદ ભવન આજે નેશનલ ગાર્ડના હવાલામાં છે. ૨૦ જાન્યુઆરી સુધી સૌ કોઈ આશંકિત છે.ટ્રમ્પ ઉપર કોઈને વિશ્વાસ નથી. FBIને તોફાનોની આશંકા છે. અમેરિકાની બુનિયાદ હલબલી ચૂકી છે. જાણીતા પત્રકાર બ્રજેશ મિશ્રાએ ટ્વિટર ઉપર શેર કરેલી તસવીર ખૂબ વાયરલ થઇ રહી છે access_time 1:06 am IST