Gujarati News

Gujarati News

News of Wednesday, 13th January 2021

રાજ્ય સરકારની જનકલ્યાણકારી યોજનાના લાભાર્થીઓ સાથે મુખ્યમંત્રી વિજયભાઈ રૃપાણીનો સંવેદનાસભર સંવાદ

લુણાવાડામાં મુખ્યમંત્રી રૂપાણીએ પ્રજા કલ્યાણકારી યોજનાના કેટલાક લાભાર્થીઓ સાથે પ્રત્યક્ષ મુલાકાત કરી

લુણાવાડા:કિસાન સુર્યોદય યોજનાનો લોકાર્પણ કરવા માટે લુણાવાડા ખાતે પધારેલા મુખ્યમંત્રી વિજયભાઇ રૂપાણીએ રાજ્ય સરકારની પ્રજા કલ્યાણકારી યોજનાના કેટલાક લાભાર્થીઓ સાથે પ્રત્યક્ષ મુલાકાત કરી તેમની સાથે લાગણીસભર સંવાદ કર્યો હતો. આ સંવાદમાં મુખ્યમંત્રી વિજયભાઇ રૂપાણીની સંવેદનશીલ છબી દેખાતી હતી.

મુખ્યમંત્રી વિજયભાઇ રૂપાણીએ પાલક માતા પિતા યોજનાના લાભાર્થી બિયાબેન નિતિનભાઇ પટેલને મળી તેમની પાસેથી વિગતો જાણી હતી. બિયા ચાર વર્ષની હતી ત્યારે તેમના પિતાનુ આકસ્મિક અવસાન થયુ હતું. હાલમાં બિયા પોતાના દાદા સાથે રહે છે અને ધોરણ ૧૨ સાયન્સમાં અભ્યાસ કરે છે. યોજના હેઠળ માસીક રૂા. ૩૦૦૦ ની સહાય રાજ્ય સરકાર દ્વારા આપવામાં આવે છે. જેનાથી દાદા બિપીનભાઇને બિયાના શિક્ષણ અને લાલન પાલનમાં સરળતા રહે છે.
એવિજ રીતે  રૂપાણી કિરણસિંહ લક્ષ્મણસિંહ રાણાને પણ મળ્યા હતા અને તેમના ક્ષેમકુશળ પુછ્યા હતા. હવે તેમને કેમ છે, તેમ કહી શ્રી રૂપાણીએ સારવાની વિગતો મેળવી હતી. રાણા તાજેતરમાં કોરોના ગ્રસ્ત થતા તેમને સારવાર માટે લુણાવાડાની જનરલ હોસ્પિટલમાં દાખલ કરવામાં આવ્યા હતા. જ્યાં તબીબોએ અથાક મહેનત કરીને રાણાને કોરોનાના મુખમાંથી ઉગાર્યા હતા. અહીં તેમની સારવાર એક પણ રૂપિયો ખર્ચા વિના થઇ હતી.
મુખ્યમંત્રીએ ગંગા સ્વરૂપ આર્થીક સહાય યોજનાના લાભાર્થી વાલીબેન કોહ્યાભાઇ આત્મનિર્ભર યોજનાના લાભાર્થી કાંતિભાઇ કાળીદાસ પટેલ તથા રાષ્ટ્રીય બાળ સ્વાસ્થ્ય કાર્યક્રમ હેઠળ જટીલ દર્દની વિના મુલ્યે સારવાર કું.નાકેદાર ઓવેશ રજાની સાથે પણ સંવાદ સાધ્યો હતો.  

(7:56 pm IST)
  • સુપ્રીમ કોર્ટ બાર એશોશિએશનના અધ્યક્ષ પદેથી દુષ્યંત દવેનું રાજીનામુ : હોદાની મુદત પુરી થઇ ગયા પછી ચીટકી રહેવાનો કોઈ અર્થ નથી : ડિજિટલ ઈલેક્શન માટે અમુક વકીલો સંમત નથી access_time 7:36 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 11 વાગ્યા સુધીમાં કોરોનાના નવા 13,746 કેસ નોંધાયા :કુલ કેસની સંખ્યા 1, 05, ,26,577 થઇ :એક્ટિવ કેસ 2,10,482 થયા: વધુ 13,751 દર્દીઓ સ્વસ્થ થતા કુલ 1,01,59,805 થયા :વધુ 159 લોકોના મોત સાથે કુલ મૃત્યુઆંક 1,51, 924 થયા access_time 12:17 am IST

  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST