Gujarati News

Gujarati News

News of Wednesday, 13th January 2021

મહેસાણા જિલ્લામાં ઘરફોડ ચોરીની ઘટનામાં વધારો:દાહોદની ગેંગના બે સાગરીતોને પોલીસે ઝડપી પાડયા

મહેસાણા :જિલ્લાઅમદાવાદ ગ્રામ્યબનાસકાંઠા અને બોટાદ જિલામાં ઘરફોડ ચોરીઓને અંજામ આપનાર દાહોદ ગેંગના બે સાગરીતોને પેરોલ ફ્લો સ્કવોર્ડની ટીમે મહેસાણામાંથી ઝડપી લીધા હતા. બન્ને આરોપીઓએ પોલીસની પુછપરછમાં ચાર જિલ્લામાં જીનીંગ ફેક્ટરીોને નિશાન બનાવી છે. ચોરીઓની ચોંકાવનારી કબુલાત કરી હતી. પોલીસે તેમના અન્ય ત્રણ સાગરીતોને પકડવા ચક્રો ગતિમાન કરીને કાયદેસરની કાર્યવાહી હાથ ધરી છે.

એક સપ્તાહ પહેલા કડી તાલુકામાં આવેલી બે જીનીંગ ફેક્ટરીમાં તસ્કરોએ હાથફેરો કરીને અંદાજિત રૃા. ૧૨ લાખના મુદ્દામાની ચોરી કરી હતી. જેના પગલે મહેસાણા જિલ્લામાં મિલકત સંબંધી વણ ઉકેાયેલા ગુનાઓ ઉકેલવા પોલીસ અધિક્ષક પાર્થરાજસિંહ ગોહીલે તાજેતરમાં એક્શન પ્લાન અમલમાં મુક્યો હતો. એલસીબી પીઆઈ બી.એચ. રાઠોડના માર્ગદર્શન હેઠળ પોલીસની અલગ અલગ ટીમો બનાવી જિલ્લા પંથકમાં વ્યુહાત્મક નાકાબંદી અને વાહન ચેકિંગની કામગીરી શરૃ કરી હતી. તે અંતર્ગત પેરોલ ફ્લો સ્કવોર્ડના પીએસઆઈ ડી.એન. વાંઝા સહિતનો સ્ટાફ પેટ્રોલિંગમાં હતો. તે વખતે મહેસાણા શહેરમાંથી શકમંદ હાલતમાં દાહોદ ગેંગના વિજય પલાસ અને નિલેશ ઉર્ફે લીલો સુભાસને પકડી લીધા હતા. બન્ને જણાની સઘન પુછપરછ કરતાં આરોપીઓએ પોતાના સાગરીત નિકેશ પલાસહેમરાજ પલાસ અને શીવરાજ પલાસ સાથે મળીને મહેસાણા જિલ્લામાં બાવલુવિજાપુર અને ઊંઝામાં તેમજ અમદાવાદના માંડલ અને બોટાદ જિલ્લામાં ઘરફોડ ચોરીઓને અંજામ આપ્યો હોવાની કબુલાત કરી હતી. પોલીસે દાહોદ ગેંગના બે આરોપીઓની ધરપકડ કરીને કાયદેસરની કાર્યવાહી હાથ ધરી છે.

(5:40 pm IST)
  • દિલ્હીના ભાજપ સાંસદ હંસરાજ હંસ વિરુદ્ધ કોર્ટ કેસ : ચૂંટણી સમયે કરેલી એફિડેવિટમાં પોતાના શિક્ષણ અને બાકી ટેક્સ અંગે ખોટો માહિતી આપી : કોંગ્રેસના પરાજિત ઉમેદવાર રાજેશ લીલોઠીયાનો આક્ષેપ : 18 જાન્યુઆરીના રોજ સુનાવણી access_time 1:50 pm IST

  • ૧૫ જાન્‍યુઆરીથી જ શરૂ થશે નવા સંસદ ભવનનું નિર્માણ કાર્ય : ૨૦૨૨માં ગણતંત્ર દિવસ સમારોહનું આયોજન નવા નિર્માણ પામેલા રાજપથ પર થશે access_time 2:44 pm IST

  • વર્લ્ડ હેલ્થ ઓર્ગેનાઈઝેશન ( WHO ) એ એક જ મહિનામાં સતત ત્રીજી વખત ભારતનો ખોટો નકશો દેખાડ્યો : જમ્મુ ,કાશ્મીર ,તથા લડાખને અલગ બતાવ્યા : ભારત સરકારે ત્રીજી વખત ચેતવણી આપી : ખોટો નકશો પ્રદર્શિત કરવો તે બાબત ગેરકાનૂની તથા જેલ સજાને પાત્ર access_time 2:02 pm IST