Gujarati News

Gujarati News

News of Wednesday, 13th January 2021

સુરતના રિંગરોડ નજીક સેલમાં નોકરી કરતા યુવાને મેનેજરના પર્સમાંથી ચાવી લઇ ગલ્લામાંથી 74 હજાર લઇ રફુચક્કર થઇ જતા પોલીસે સીસીટીવી ફૂટેજના આધારે તપાસ હાથ ધરી

સુરત: શહેરના રીંગરોડ સ્થિત કૃષિમંગલ હોલમાં ચાલતા સેલમાં નોકરી કરતો યુવાન રવિવારની રાત્રી દરમિયાન ચાર-પાંચ દિવસના વકરાના પૈસા જે સ્ટીલની પેટીમાં હતા તેની ચાવી મેનેજરના પર્સમાંથી કાઢી પેટીમાંથી રૂ.74,000 ચોરી કર્યા બાદ મુકી ફરાર થઈ ગયો હતો. સમગ્ર ઘટના સીસીટીવી કેમેરામાં કેદ થતા પોલીસે ફૂટેજના આધારે વધુ તપાસ હાથ હદરી છે.

પોલીસ સૂત્રો દ્વારા પ્રાપ્ત થતી વિગતો મુજબ સુરતના રીંગરોડ જુના આરટીઓની બાજુમાં કૃષિમંગલ હોલમાં યોગેશભાઈનું કપડાંનું સેલ ચાલે છે. અહીં મેનેજર તરીકે અમીતગીરી લલુગીરી જયારે ચાર યુવાન અમરજીતગીરી, આશિષ યાદવ, અમઝદખાન અને શૈલેન્દ્ર તિવારી નોકરી કરે છે. યોગેશભાઈ ગત પાંચમીના રોજ કામઅર્થે બહારગામ ગયા હતા. દરમિયાન, ગત રવિવારે રાત્રે સેલ બંધ કરી ચાર પાંચ દિવસના વકરાના રૂ.74,000 સ્ટીલની પેટીમાં અમીતગીરીએ મુક્યા બાદ બધા સુઈ ગયા હતા. બીજા દિવસે સવારે 9 વાગ્યે અમીતગીરી જાગ્યો ત્યારે અમઝદખાન નજરે ચઢ્યો ન હતો. ઉપરાંત, સ્ટીલની પેટીમાં તપાસ કરતા તેમાં રૂ.74,000 પણ નહોતા.

આથી અમીતગીરીએ ઓફિસના સીસીટીવી ફૂટેજ ચેક કર્યા તો તેમાં રાત્રે બધા સુતા હતા ત્યારે અમઝદખાન અમીતગીરીના પર્સમાંથી સ્ટીલની પેટીની ચાવી કાઢી રોકડ ચોર્યા બાદ ફરી મુકતો નજરે ચઢ્યો હતો. રોકડ ચોરી ફરાર થયેલા અમઝદખાન અંગે યોગેશભાઈ સાથે વાત કર્યા બાદ અમીતગીરીએ ગતરોજ અમઝદખાન વિરૂદ્ધ અઠવાલાઈન્સ પોલીસ મથકમાં ફરિયાદ નોંધાવતા પોલીસે સીસીટીવી ફૂટેજના આધારે તપાસ શરૂ કરી છે. 

(5:35 pm IST)
  • સાબરકાંઠામાં પ્રતિબંધિત ચાઇનીઝ દોરીનું કમઠાણ, ઇડરમાં ચાઈનીઝ દોરીથી યુવકનું ગળું કપાયું, યુવકને સારવાર માટે ઇડરની હોસ્પિટલમાં ખસેડાયો access_time 4:37 pm IST

  • ૧૫ જાન્‍યુઆરીથી જ શરૂ થશે નવા સંસદ ભવનનું નિર્માણ કાર્ય : ૨૦૨૨માં ગણતંત્ર દિવસ સમારોહનું આયોજન નવા નિર્માણ પામેલા રાજપથ પર થશે access_time 2:44 pm IST

  • દેશમાં કોરોના હાંફ્યો : નવા કેસ કરતા સ્વસ્થ થનારની સંખ્યામાં વધારો : એક્ટિવ કેસમાં સતત ઘટાડો : રાત્રે 12 વાગ્યા સુધીમાં કોરોનાના નવા 8537 કેસ નોંધાયા :કુલ કેસની સંખ્યા 1, 05, 04,3 53 થઇ :એક્ટિવ કેસ 2,10,734 થયા: વધુ 9127 દર્દીઓ સ્વસ્થ થતા કુલ 1,01,37,584 થયા :વધુ 124 લોકોના મોત સાથે કુલ મૃત્યુઆંક 1,51,688 થયો access_time 1:02 am IST