Gujarati News

Gujarati News

News of Tuesday, 14th January 2020

રાજપીપળામાં ઉત્તરાયણના દિવસે કેટલાય લોકોના ગળા કપાયા,કેટલાક અકસ્માતમાં ઘાયલ થયા

ઉત્તરાયણના દિવસે બપોર બાદ સિવિલ હોસ્પિટલમાં બે સગી બહેનો સહિત ૩ ગળા કપાયેલા કેસ આવ્યા

(ભરત શાહ દ્વારા) રાજપીપળા : નર્મદા જિલ્લા સહિત રાજપીપળા શહેરમાં ઉત્તરાયણના દિવસે કેટલાય લોકોના પતંગના દોરા ભેરવાતા ગળા કપાયા જેમાં અમુક ને ગંભીર ઇજા થઇ સાથે માર્ગો પર કેટલાય અકસ્માત પણ થયા હતા.

  રાજપીપળા શહેર સહિત આસપાસ ના વિસ્તારો માં પતંગના દોરા ભેરવાતા ઘણા લોકો ના ગળા કપાયા હતા જેમાં ચિત્રકૂટ સોસાયટીમાં રહેતી બે સગી બહેનો પૈકી અલકા અરવિંદભાઈ તડવી (૨૦)અને નાની બહેન ધ્રુવીકા અરવિંદભાઈ તડવી પોતાના ઘરે થી પતંગ લેવા બજાર જતા હતા ત્યારે કાળિયાભૂત મંદિર પાસે અચાનક પતંગ નો દોરો બંને બહેનોના ગળા માં ભેરવાતા ગળું કપાયું ત્યારબાદ બંનેને રાજપીપળા સિવિલ ખાતે સારવાર માટે લવાઈ હતી

  .જ્યારે અન્ય એક ઘટના નાંદોદ ના કરાઠા ગામ પાસે બની જેમાં લાછરસ ગામના રાજપૂત ભગુભાઈ હુકમસિંગ (૨૭) કોઈ કામ અર્થે રાજપીપળા બાઈક પર આવતા હતા ત્યારે કરાઠા ગામ નજીક પતંગનો દોરો ગળામાં ભેરવાતા તેમનું ગળું કપાયું હોય રાજપીપળા સિવિલ લવાયા હતા.આવા અનેક લોકો સરકારી તેમજ ખાનગી દવાખાનામાં સારવાર માટે લવાયા હતા.સાથે કેટલીક જગ્યાઓ પર અકસ્માતના બનાવો પણ જોવા મળ્યા હતા.

(7:46 pm IST)
  • અલીગઢ મુસ્લિમ યુનિવર્સિટી વિદ્યાર્થીઓના છાત્રાલયો માં પ્રવેશ કરવા માટે યુપી પોલીસ વિરુદ્ધ એફઆઈઆર નોંધાવવા નું નક્કી કર્યું છે. પોલીસે યુનિવર્સિટીમાં પ્રવેશ કરીને તેમને અપાયેલા આદેશનું ઉલ્લંઘન કર્યું છે : અલીગઢ મુસ્લિમ યુનિ.ના વા.ચાન્સેલરની જાહેરાત access_time 10:12 pm IST

  • ભાજપને વિદેશી ભંડોળ મેળવવા અને કાળાનાણાને સફેદ બનાવામાં મદદ કરનારાઓને નાગરિકતા આપવામાં આવી રહી છે : મમતા બૅનર્જીનો આક્ષેપ access_time 9:00 pm IST

  • ટીમની કમાન હરમનપ્રીત કૌરના હાથમાં : વર્લ્ડકપ ટી-૨૦ માટે ઈન્ડિયન વુમન્સ ટીમની થઈ જાહેરાત : ટીમમાં રીચા ઘોષ એકમાત્ર નવો ચહેરો : ૨૧ ફેબ્રુઆરીએ ઓસ્ટ્રેલિયા સામે ખોલશે યુદ્ધનો મોરચો access_time 3:37 pm IST