Gujarati News

Gujarati News

News of Tuesday, 14th January 2020

માતર તાલુકામાં જુના ઝઘડાની અદાવતમાં બે પરિવારો વચ્ચે હોબાળો: સામસામે હુમલામાં એકની હત્યા:9 ગંભીર રીતે ઈજાગ્રસ્ત

માતર: તાલુકાના ઈન્દ્રાવર્ણા ગામમાં છેલ્લાં ઘણાં સમયથી ઠાકોર અને દરબારો વચ્ચે કોઈને કોઈ મુદ્દે નાના-મોટા ઝઘડા થાય છે. જુના ઝઘડાની અદાવતમાં સર્જાતા આવા ઝઘડાને લઈ છેલ્લાં ઘણાં સમયથી બંને કોમ વચ્ચે તણાવ હંમેશા જોવા મળે છે. ગઈકાલે આવા એક તણાવને લઈ બંને કોમના જુથો આમને સામને આવી ગયાં હતાં. ધીંગાણામાં દશ કરતાં વધુને ઈજા થઈ હતી. જે પૈકી ગંભીર ઈજાગ્રસ્ત બનેલા એક વ્યક્તિનું મોત નિપજ્યું હતું. લીંબાસી પોલીસને જાણ થતાં તેઓ ઘટનાસ્થળે પહોંચી ગયાં હતાં. લખાય છે ત્યારે ગામમાં ભારેલા અગ્નિ જેવી સ્થિતી જોવા મળે છે.

 


અંગે મળતી માહિતી મુજબ માતર તાલુકાના ઈન્દ્રવર્ણા ગામમાં આજથી બે-ત્રણ વર્ષ અગાઉ નીકળેલા વરઘોડામાં સોલંકી અને જાદવ પરિવાર વચ્ચે કોઈ કારણોસર ઝઘડો થયો હતો. જેને લઈ બંને પરિવારો વચ્ચે ખટરાગ સર્જાયો હતો. બંને પરિવારો નજીવી બાબતે સામસામે આવી જતાં હતાં. નાના એવા ગામમાં બે પરિવારો વચ્ચે થયેલી તકરાર દિન-પ્રતિદિન વધુ ઉગ્ર બની રહી હતી. જેમાં બંને પરિવારોને સમાજનો સાથ મળતાં ઠાકોર અને દરબાર કોમ વચ્ચે તિરાડ પડી હતી.

(1:46 pm IST)
  • કેરલમાંથી બે ત્રાસવાદી ઝડપાયા : કર્ણાટકના ગૃહમંત્રી બાસવરાજા બોમાઈએ હમણાં જ જાહેર કર્યું છે કે કેરળમાં થી 2 શંકાસ્પદ ત્રાસવાદીઓ ઝડપાયા છે. તેમણે કહ્યું કે આ બંનેને ઉડુપી રેલવે સ્ટેશન થી પકડી લેવામાં આવ્યા છે. વિગતો મેળવવા રહી છે access_time 8:00 pm IST

  • સેરેના જીતી ઓકલેન્ડ કલાસીકની ફાઇનલ મેચ : પ્રાઈઝ મની ઓસ્ટ્રેલિયાની આગમાં અસરગ્રસ્તો માટે દાન કરી access_time 3:36 pm IST

  • ભુજના બેન્ટોનાઈટ કંપનીના ડાયરેક્ટરને આરટીઆઇ દ્વારા પરેશાન કરી 3 લાખની માંગણી કરનાર યુવા આગેવાન મયુર મહેશ્વરી (રે.ટૂંડા.તા.માંડવી)ને જ્યુબિલી સર્કલ પાસે આવેલ પાંઉભાજીની રેસ્ટોરન્ટ ખાતે ૩ લાખની રકમ પૈકી ૫૦ હજાર રૂપિયા રોકડા લેતા ભુજ બી ડિવિઝન પોલીસે રંગે હાથ પકડ્યો છે access_time 11:04 pm IST