Gujarati News

Gujarati News

News of Sunday, 14th January 2018

સુરતમાં ઇમારત નમી જતા અફડાતફડી

સુરત : સુરતમાં એક ઇમારત અચાનક નમી જતા લોકોમાં દોડધામ મચી ગઇ હતી.  આ અંગેની પ્રાપ્ત વિગતો મુજબ શહેરના બંદુગરા નાકા પાસે આવેલ એક બિલ્ડીંગ કોઇપણ કારણોસર નમવા લાગી હતી. જેથી બિલ્ડીંગમાં રહેતા લોકોને નીચે ઉતારી લઇને બહાર કાઢવામાં આવ્યા હતા.

આ ઘટનાથી લોકોના જીવ પડીકે બંધાયા હતા અને દોડધામ મચી ગઇ હતી. જા કે કોઇ જાનહાની ન થતા લોકોએ રાહતનો શ્વાસ લીધો હતો. આ ઘટનાના પગલે ફાયર બ્રિગેડ ટીમ અને મહાનગરપાલિકાની ટીમ ઘટનાસ્થળે દોડી ગઇ હતી અને બચાવ કામગીરી કરતા જાનહાની થઇ ન હતી.

(5:07 pm IST)
  • લીંબડી - બગોદરા નેશનલ હાઇવે પર રળોલ ગામના પાટીયા પાસે ગંભીર અકસ્માત સર્જાયો. બંધ ઉભા ટ્રક પાછળ ઇક્કો ગાડી તેમજ અન્ય એક હ્યુન્ડાઇ કાર ધુસી જતા ટ્રિપલ અકસ્માત સર્જાયો હતો. જેમાં અકસ્માતમાં 2 વ્યક્તિ ના ઘટના સ્થળે મોત નિપજ્યા હતા અને 4 વ્યક્તિ ને ગંભીર ઇજા થઇ છે. આ અકસ્માતની જાણ થતાજ 108ની ટીમ સ્થળ પર પહોંચી હતી. તમામ ઇજાગ્રસ્તોને વધુ સારવાર માટે સુરેન્દ્રનગર તેમજ અમદાવાદ હોસ્પિટલમાં ખસેડવામાં આવ્યા હતા. access_time 9:35 pm IST

  • અમેરિકાના કેલિફોર્નિયા ડિપાર્ટમેન્ટ ઑફ ફાયર એન્ડ ફોરેસ્ટ્રી પ્રોટેક્શનના જણાવ્યા મુજબ કેલિફોર્નિયાના મોન્ટેસીટોમાં મંગળવારે થયેલ ભયંકર ભૂસ્ખલનના પરિણામે ઓછામાં ઓછા 20 લોકોના મોત થયા છે અને ચાર લોકો હજુ પણ લાપતા છે. access_time 12:25 am IST

  • બળવાખોરોના કબજા હેઠળની સીરિયાની રાજધાની દમાસ્કસના બહારના વિસ્તારોમાં ભયંકર કેમિકલ ગેસનો હુમલો થયાનું બહાર આવ્યું છે. બીબીસીના હવાલાથી જાણવા મળે છે કે રોજિંદા બોમ્બમારાની વચ્ચે વસતા પૂર્વ ગુટા ક્ષેત્રના લોકોએ એક મિસાઈલ હુમલા પછી એક પ્રકારની ગેસની દુર્ગંધ અનુભવી હતી. આરોગ્ય કર્મીઓનું કહેવું છે કે આ હુમલા બાદ ઘણા લોકોને શ્વાસ સંબંધિત તકલીફોની સારવાર અપાઈ રહી છે. access_time 3:15 pm IST