Gujarati News

Gujarati News

News of Wednesday, 13th November 2019

મહેસાણાના કાત્યોકના મેળામાંથી ખરીદી કરીને પરત ફરી રહેલાને ટ્રકે હડફેટે લેતા એક વ્‍યક્તિ અને ઉંટનું મોતઃ ૩ને ઇજા

મહેસાણા: સિદ્ધપુર ખાતે ચાલી રહેલ કાત્યોકના મેળામાંથી ખરીદી કરી હાઈવે ઉપરથી પસાર થઈ રહ્યા હતા. આ દરમિયાન મોત બની ટ્રકે ચાર લોકો સહિત ઊંટોને ટક્કર મારી હતી. જેમાં એક ઈસમ તથા ઊંટનું મોત નિપજવા પામ્યું હતું. જ્યારે અન્ય ત્રણ વ્યક્તિઓ ઈજાગ્રસ્ત બન્યા હતા. જેની વિસનગર તાલુકા પોલીસમાં ગુનો નોંધાયો છે.

                 સોમવારે કાત્યોકના મેળામાંથી ખરીદી પતાવી ફરિયાદી બાબરભાઈ રાવળ સહિત ઈસમો અને ઊંટો, લારી લઈ ઘર તરફ જઈ રહ્યા હતા. જેઓને ભાન્ડુ કોલેજ આગળના હાઈવે ઉપર મહેસાણા તરફથી આવી રહેલ એક ટ્રકે ટક્કર મારી હતી. રોંગ સાઈડમાં ટ્રક હંકારી આવી રહેલ ડ્રાઈવરે ઊંટ લારીને જીવલેણ ટક્કરથી ફંગોળી મુકી હતી. આ ગમખ્વાર અકસ્માતથી ઊંટનું ઘટનાસ્થળે મોત નિપજ્યું હતું જ્યારે રાવળ શકરાભાઈ ગાંડાભાઈનું સારવાર દરમિયાન મોત થયું હતું. અને રાવળ લીલાભાઈ છગનભાઈ, રાવળ દિનેશભાઈ જીવાભાઈ તથા રાવળ બાબરભાઈ જીવાભાઈ રહે.અગોલ, રાવળવાસ, કડીવાળાઓને ઈજાઓ પહોંચી હતી. આ ઘટના બન્યા બાદ લોકો આવી પહોંચી પોલીસને જાણ કરી હતી. વિસનગર તાલુકા પોલીસે ટ્રક નં RJ-32-GA-5514ના ચાલક સામે અકસ્માતનો ગુનો નોંધી આગળની તપાસ હાથ ધરી છે.

(4:57 pm IST)
  • ૧લી ડીસેમ્બરથી તમામ ટોલ થશે કેસલેસ : ટોલ ક્રોસ કરવા ફાસ્ટટેગ હોવુ ફરજીયાતઃ ટોલ પર ફાસ્ટટેગ ફરજીયાત access_time 3:42 pm IST

  • ગુજરાતમાં ખેડૂતો માટે ૭૦૦ કરોડની સહાયનું પેકેજ- ૩૩ ટકા કરતા વધુ નુકસાન માટે કરાશે સહાય - પિયતમાં ૧ હેકટર દીઠ ૧૩, ૫૦૦ રૂ. ની સહાય અપાશે - બિન પિયતમાં હેકટર દીઠ ૬,૮૦૦ રૂ.સહાય અપાશે - પાકવીમા સિવાય પણ રાજય સરકારે સહાય જાહેર કરી - ૨ લાખ કરતા વધુ ખેડૂતોને મળશે સહાય access_time 5:35 pm IST

  • મુલાયમસિંહ યાદવને હોસ્પિટલમાં ખસેડાયા : શ્વાસ લેવામાં તકલીફ : ઉત્તર પ્રદેશના પૂર્વ મુખ્યમંત્રી મુલાયમસિંહ યાદવને શ્વાસ લેવામાં તકલીફ થતા અને અન્ય ફરિયાદો સબબ હોસ્પિટલમાં ખસેડવામાં આવ્યા છે access_time 9:41 pm IST