Gujarati News

રાજકોટ, તા.૧૩:  ગુજરાતની સાબરમતી જેલમાં ફકત આંતકવાદીઓ અને ખુંખાર ગુનેગારો માટે લોખંડી સુરક્ષા ધરાવતી જેલ એટલી જ તેની ઓળખ નથી, આ જેલમાં પૂજય મહાત્મા ગાંધીજી, સરદાર વલ્લભ ભાઈ પટેલ અને લોકમાન્ય તિલક જેવા મહા પુરુષો પણ રહી ચૂક્યા છે, તે સમયની અદભૂત યાદો અને સંસ્મરણો વાગોળવા તે એક અમૂલ્ય તક છે, આ જેલ સહિત ગુજરાતની વિવિધ જેલોમાં ચાલતા કરોડોના ઉધોગ અને તે પણ કેદીઓ સંચાલિત હોય તે જાણીને જ આશ્ચર્ય થાય પરંતુ આ બધી સત્ય ઘટનાઓ છે , આવી અદભૂત ઇતિહાસ પુસ્તક જેલ તરીકે કંડારાઈ ગયો છે, આવી અદભૂત ગાથા આલેખતું પુસ્તક તાજેતરમાં જ નવ નિર્મિત તરવરિયા ગૃહ મંત્રી હર્ષ સંઘવીને આપવામાં આવેલ.     દેશની જેલોમાં આજ સુધી કયારેય પણ ન થયું હોય તેવું વડાપ્રધાનના આત્મ નિર્ભર સ્વપ્નને મૂર્તિ મંત કરતું પુસ્તક ગુજરાતના જેલ વડા અને સિનિયર આઇપીએસ દ્વારા જ લેખન સંકલન થયું છે તેવા ડો.કે.એલ.એન.રાવ દ્વારા જ આ પુસ્તક તરવરિયા ગૃહમંત્રીને અર્પણ થતાં ગુજરાતની જેલમાં ચાલતી અદભૂત પ્રવૃત્તિઓ બદલ ખૂબ પ્રસંશા વ્યકત કરી ,ગુજરાતની જૈલોને પ્રતિષ્ઠિત એવોર્ડ અપાવવા બદલ અભિનંદન પાઠવ્યા હતા.